TIRANE- Ministria e Arsimit ka zbardhur udhëzimin se kur do të bëhen aplikimet për master shkencor e profesional. Për të aplikuar kandidatët duhet të plotësojnë një formular të posaçëm ku autorizojnë universitetet dhe Ministrinë e Arsimit për të vërtetuar dokumentet që ata dorëzojnë.

Gjithashtu, në këtë formular duhet të deklarohet se nuk ka aplikuar në asnjë institucion tjetër të arsimit të lartë për vitin akademik 2015-2016 dhe se nuk vazhdohet program tjetër studimit. Studentët marrin përsipër që të çohen në ndjekje penale nëse dorëzojnë dokumente të falsifikuara apo me të dhëna jo të vërteta.