Studimi amerikan: COVID-19 mund të përhapet edhe përmes ajrit

Sipas një studimi të Universitetit të Nebraskës në SHBA, koronavirusi mund të përhapet edhe nëpërmjet ajrit.

Shkencëtarët amerikanë gjetën nivele të larta të COVID-19 në ajrin e dhomave ku kanë qenë të shtruar pacientët me koronavirus, shumë ditë pasi ata ishin larguar nga spitali.

Gjithashtu, gjurmë të koronavirusit u zbuluan edhe në korridoret e spitalit. Këto gjetje, sipas kërkuesve shkencorë të Universitetit të Nebraskës, tregojnë rëndësinë e veshjeve mbrojtëse për mjekët dhe infermierët.

Ky studim thekson se sëmundja nuk përhapet vetëm me piklat e pështymës dhe tështimës.

Gjithashtu, përfundimet e tij sugjerojnë që njerëzit mund të preken nga koronavirusi edhe pa qëndruar pranë personave të infektuar.

Lajmi kryesor:

Rritet numri i viktimave dhe të infektuarve, ulen të shëruarit në 24 orët e fundit në Itali/ Trump i jep 100 mln $ Romës

TAG:
• Koronavirus