Studimi i testit të gjakut që do të zbulojë 20 lloje kanceri

Një test i ri i gjakut që është vënë në studim nga ekspertët mund të zbulojë praninë e 20 llojeve të kancerit.

 Sipas zbulimit të institutit ”Dana Faber” në Boston të Harvardit në testet e para tregoi saktësi të jashtëzakonshme në 99,6% të rasteve, ku testet ishin në gjendje të identifikonin saktë pacientët me tumor dhe organin nga i cili kishte origjinën kanceri.

Të dhënat për testin u paraqitën në Konferencën e Shoqatës Europiane të Onkologjisë.

Analiza është zhvilluar nga ”Grail Inc”, një kompani e bioteknologjisë që përdor metodat më të reja  për të vëzhguar sekuencat gjenetike.

Provimi i ri kërkon të identifikojë praninë e substancave kimike mikro-metil të përfshira përmes një procesI të quajtur metilim në aktivizimin ose çaktivizimin e gjeneve që lidhen me zhvillimin e tumoreve.

Metoda është testuar në 3600 pacientë, ku disa ishin me kancer dhe disa të tjerë jo.

Testi zbuloi saktë disa tregues të pranishëm në gjakun e atyre që ishin të sëmurë si dhe identifikoi organin e origjinës së neoplazmës.

”Analiza e re është e ndryshme nga biopsitë e lëngshme që kërkojnë mutacione gjenetike brenda ADN-së së qelizave të kancerit’’, theksuan shkencëtarët e institutit ”Dana Faber”.

TAG:
• kancer
• universiteti i Harvardit
• studimi i ri i gjakut
• insituti dana faber
• grail inc