POP 5

Lajmet më të lexuara të 5 minutave të fundit

Bota

Studimi: Numri i vdekjeve në Gazë 41% më i lartë se shifrat e bëra publike

Një studim i ri i publikuar në revistën prestigjoze “The Lancet” thotë se numri i viktimave të luftës në Gazë është rreth 64 mijë, rreth 40% më e lartë se shifrat e publikuara nga Ministria e Shëndetësisë e Rripit të Gazës, që kontrollohet nga Hamasi.

Studimi: Numri i vdekjeve në Gazë 41% më i lartë se shifrat e bëra publike

Gaza

Një studim i ri i publikuar në revistën prestigjoze “The Lancet” thotë se numri i viktimave të luftës në Gazë është rreth 64 mijë, rreth 40% më e lartë se shifrat e publikuara nga Ministria e Shëndetësisë e Rripit të Gazës, që kontrollohet nga Hamasi.

Studimi tregon se zyrtarët e Gazës e kanë ulur numrin e vdekjeve me më shumë se 40 përqind gjatë periudhës 7 tetor 2023 dhe 30 qershor 2024.

“Në realitet, vdekshmëria mund të jetë më e lartë nëse përfshijmë gjithashtu ata që kanë humbur jetën pasi nuk kanë patur qasjte tek kujdesi shëndetësor, vdekjet nga goditjet në zemër apo sëmundjet infektive, vdekjet e grave shtatzëna që nuk mund të kenë patur qasje tek mjeku gjatë lindjes”, thotë Zeina Jamaluddine, bashkautore e studimit në revistën “The Lancet” .

59 % e viktimave ishin gra, fëmijë dhe të moshuar, sipas raportit të revistës “The Lancet”, shifër kjo pothuajse e njëjtë edhe me studimet e tjera.

Studimi i fundit nuk përfshin numrin e luftëtarëve të Hamasit në mesin e të vdekurve.

Ambasada e Izraelit në Londër i tha Zërit të Amerikës përmes një deklarate se “çdo informacion që rrjedh nga Gaza nuk mund të besohet, dhe nuk mund të injorohet historia e revistës ‘The Lancet’ për njëanshmërinë kundër Izraelit”.

Zëri i Amerikës nuk është në gjendje të verifikojë shifrat pasi Izraeli nuk i lejon gazetarët në Gazë.

Studiuesit ndërthurën tre burime: Ministrinë e Shëndetësisë së Gazës që drejtohet nga Hamasi, një studim në internet të vdekjeve të raportuara dhe nekrologjitë në mediat sociale, thotë bashkautorja e studimit.

“Është e rëndësishme që brenda secilës listë të mos kemi dyfishime, kështu që nuk duam të kemi të njëjtin person të përmedur disa herë. Më pas i krahasuam listat”, thotë Zeina Jamaluddine, bashkautore e studimit në revistën “The Lancet” .

E njëjta teknikë është përdorur për të vlerësuar vdekjet në konflikte të tjera thotë bashkautorja e studimit.

“Është përdorur në Sudan dhe Jemen. Është përdorur edhe në Kosovë dhe disa nga këto prova janë përdorur në GJND [Gjykata Ndërkombëtare e Drejtësisë”, thotë Zeina Jamaluddine, bashkautore e studimit në revistën “The Lancet” .

Izraeli e filloi luftën kundër Hamasit në Gaza pas sulmit të grupit militant më 7 tetor të vitit 2023, i cili vrau më shumë se 1200 njerëz, kryesisht civilë.

Shtetet e Bashkuara, Mbretëria e Bashkuar, Bashkimi Evropian dhe të tjerë e kanë cilësuar Hamasin si organizatë terroriste./ VOA

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13