POP 5

Lajmet më të lexuara të 5 minutave të fundit

Bota

Stuhia godet anijen gjatë lundrimit në Antarktikë, 1 viktimë dhe 4 të plagosur

Një pasagjer u vra dhe katër u plagosën kur një dallgë goditi anijen e tyre të lundrimit në Antarktik gjatë një stuhie në fillim të kësaj jave.

Stuhia godet anijen gjatë lundrimit në Antarktikë, 1 viktimë dhe 4 të plagosur

Anija Turistike Viking Polaris

Një pasagjer u vra dhe katër u plagosën kur një dallgë goditi anijen e tyre të lundrimit gjatë një stuhie në fillim të kësaj jave.

Mbrëmjen e së martës, pasagjerët kishin nisur një lundrim në Antarktik në bordin e Viking Polaris kur u godit nga stuhia teksa lundronte drejt Ushuaia, Argjentinë, raportojnë mediat e huaja.

Stuhia shkaktoi një valë gjigante që theu disa xhama në anijen turistike dhe këto ranë mbi anije, e cila shkaktoi vrasjen e gruaje amerikane.

Viking Cruises konfirmoi në një deklaratë të lëshuar të shtunën se anija ishte goditur nga një dallgë, Shërbimi Kombëtar i Oqeanit i SHBA-së e përshkruan si dallgën me madhësi shumë më të madhe se  valët e tjera përreth.

“Me pikëllim të madh konfirmuam se një turist ndërroi jetë pas incidentit. Katër turistë të tjerë pësuan lëndime jo të rrezikshme për jetën gjatë incidentit dhe u trajtuan nga mjeku i bordit dhe stafi mjekësor i anijes”, tha Viking Cruises, duke  mos e zbuluar identitetin e pasagjerit.

Linja e lundrimit tha se po heton dhe ka anuluar udhëtimin e radhës të Viking Polaris të planifikuar për nga 5 deri më 17 dhjetor.

Anija mbërriti në Argjentinë të mërkurën, e cila kishte pësuar "dëmtime të kufizuara" gjatë incidentit, sipas raportimit të Viking Cruises.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça