TIRANE- Report TV rinisi mesditën e sotme (4 nëntor) transmetimet e ndërprera mesditën e një dite më parë, pasi godina dhe ambientet e televizionit u përmbyten kur Tirana u përfshi nga reshjet e dendura të shiut me erë të fortë të shkaktuara nga stuhia Ciaran.
Reshjet e dendura sollën përmbytjen e rrugës "Frosina Plaku" pranë ish-parkut të Autobusave, ku ndodhet edhe godina e Report Tv. Pikërisht mungesa e kanalizimeve të kësaj rruge, siç shihen dhe në pamjet e Report Tv bashkangjitura në këtë link, solli ujin të vërshonte në oborr por dhe brenda në ambientet e televizionit. Brenda një kohe tepër të shkurtër lartësia e ujit shkoi deri në 50 centimetra, ndërsa uji përmbyti magazinat, një studio, një regji, arkivat dhe kabinën elektrike, duke arritur të përhapej në newsroom-in e katit të sipërm.
Kjo detyroi stafin drejtues që rreth orës 14:00 të urdhëronte ndërprerjen e transmetimeve, fillimisht të transmetimeve live dhe pas disa orëve fikjen e të gjithë sinjalit për shkak se uji kishte hyre dhe në kabinën elektrike deri në një moment të dytë.
Gjatë gjithë ditës së djeshme por dhe gjatë natës stafi i emergjencave dhe stafi i televizionit punoi për të larguar ujin nga ambientet e godinës si dhe stafi teknik të kthente normalitetin e situatës,siç shihen në videon bashkangjitur këtij shkrimi.
Ritransmetimet u kthyen sot rreth orës 14:15 minuta falë punës së përkushtuar të stafit, ndërsa ka nisur përllogaritja e dëmeve.
Reshjet e shumta të shiut shkaktuan përmbytje në godinën e Report Tv, që ndodhet në rrugën ‘Frosina Plaku’, pranë ish-parkut të Autobusë.
Kjo video tregon se si nisi përmbytja në godinën e Report Tv, ku siç shihet i gjithë uji i rrugës, e cila ishte përmbytur për shkak të bllokimit të kanalizimeve, ka rrjedhur në ambientet e godinës së Report Tv duke shkaktuar përmbytjen.
Ndërkohë, në videon tjetër mund të shihni pamjet nga ambientet e Report Tv pas përmbytjes, ku uji ka depërtuar brenda në ambientet e televizionit.
Për shkak të kësaj situate, Report Tv u detyrua të ndërpresë transmetimin duke u kërkuar ndjesë të gjithë teleshikuesve, por me gjithë punën e strukturës së emergjencës situata u normalizua dhe tashmë transmetimi ka nisur.
TIRANE - Report Tv ka rinisur transmetimin pas disa orësh ndërprerje. Shkak i ndërprerjes së transmetimeve përkohësisht u bë stuhia e djeshme që goditi Tiranën duke shkaktuar përmbytje të shumë rrugëve por dhe të godinës së Report Tv. Informojmë të gjithë shikuesit që janë interesuar gjatë këtyre orëve për nisjen e trasmetimit, se tashmë mund të ndjekin programacionet e Report TV.
Gjatë gjithë natës stafi i emergjencës me mjetet e emergjencës punoi për të larguar ujin nga ambientet e televizionit prezenca e të cilit arriti dje deri në lartësinë deri në 50 centimetra, ndërsa stafi i televizionit po punon maksimalisht për të stabilizuar situatën pas rinisjes së transmetimit.
Reshjet e dendura gjatë ditës së djeshme sollën përmbytjen e rrugës "Frosina Plaku" pranë ish-parkut të Autobusave, ku ndodhet edhe godina e Report Tv. Mungesa e kanalizimeve të kësaj rruge solli që uji të vërshonte në ambientet e godinës, lartësia e të cilës shkoi deri në 50 centimetra, ndërsa uji hyri dhe në kabinën elektrike.
Transmetimet e Report Tv ndërpriten deri në një moment të dytë për shkak se uji ka hyrë në kabinën elektrike. Strukturat e emergjencës po punojnë për të stabilizuar situatën.
Duke i kërkuar ndjesë shikuesve ju informojmë se po punojmë për të kthyer sa më shpejt situatën në normalitet dhe të kthejmë transmetimet.
Lajme të tjera
-
Përballet në derbi si ish, Orges Shehi i Partizanit: S'ka rol të madh, më të rëndësishëm lojtarët që e nisin nga stoli
27 Prill, 18:28 -
Bllokim rrugësh dhe tifozët të shoqëruar nga policia, derbi Tirana - Partizani fut kryeqytetin në 'qytetrrethim'
27 Prill, 17:45 -
'Ndaj Partizanit vetëm tri pikë', Erbim Fagu para derbit: Duam të kthejmë buzëqeshjen te tifozët e Tiranës
27 Prill, 16:27 -
Përfundon rruga e re në fshatin 'Gurrë të Vogël', Veliaj: Asnjë ndryshim nga qendra! Muhabetet me molotov do harrohen, puna mbetet
27 Prill, 15:10 -
Dy adoleshentet me synime të qarta: Në punë e shkollë për turizëm! ‘Shtrojmë’ rrugën për tu bërë sipërmarrëse
27 Prill, 11:40
-
Hodhën molotovë në protestën e të PL-së dhe Rithemelimit para bashkisë, arrestohet 31-vjeçari, në hetim një tjetër
27 Prill, 09:44 -
Personalitetet më të mëdha të muzikës tekno elektrizojnë sot Tiranën, Veliaj: Nëse nuk ikim dot nëpër festivalet botërore, i sjellim ato këtu
26 Prill, 20:00 -
Ambasadori i Rusisë në Tiranë largohet nga Shqipëria, ja kush e zëvendëson
26 Prill, 18:29 -
Protesta te bashkia ‘kuriozon’ turistët në Tiranë: Këtu s’ka shumë njerëz, në vendet tona dalin masivisht në rrugë
26 Prill, 17:18
-
Molotovët te bashkia e Tiranës, Balla: Arsyen e dhanë vetë protestuesit, thirrën lironi liderin e opozitës
26 Prill, 16:39 -
Studentët e Universitetit Stanford vizitë në Tiranë, takohen me Ramën
26 Prill, 16:15 -
Bashkia e Tiranës dhe ambasada franceze nënshkruajnë marrëveshjen në fushën e industrive kreative
26 Prill, 11:18
