POP 5

Lajmet më të lexuara të 5 minutave të fundit

Bota

Stuhia Idalia, Florida shpall gjendjen e jashtëzakonshme në 46 qarqe

Stuhia tropikale “Idalia” pasi goditi Kubën perëndimore pritet të forcohet në një uragan të madh, duke ju drejtuar bregut të Gjirit të Floridës. Erërat me shpejtësi 130 km në orë dhe reshjet e shiut përmbytën disa fshatra një orë larg Havanës. Banorët e Floridës po përgatiten, ndërsa autoritetet kanë shpallur gjendjen e jashtëzakonshme në shumë zona.

Stuhia tropikale Idalia u kthye në një uragan të martën pasi kaloi Kubën ndërsa u fut në bregun e Gjirit të Floridës. Zyrtarët e shtetit amerikan urdhëruan evakuime dhe u kërkuan banorëve që të përgatiten për një stuhi të mundshme të madhe të kategorisë 3 që do të arrijë në tokë të mërkurën.

Idalia pritet të marrë statusin e uraganit të madh - me erëra të qëndrueshme që arrinin të paktën 179 km / orë.

Sipas autoriteteve të mbrojtjes civile në Florida uragani po mblidhte forcë dhe pasiguria e rrugës së tij teksa rrotullohej drejt veriut mbi ujërat e ngrohta të Gjirit të Meksikës i vuri rreth 14 milionë banorë të Floridës nën paralajmërime për stuhi dhe stuhi tropikale.

Guvernatori DeSantis shpalli gjendjen e jashtëzakonshme për 46 qarqe të Floridës. Rreth 5,500 trupa të Gardës Kombëtare u mobilizuan dhe mijëra punëtorë të energjisë elektrike u përgatitën për të ndihmuar në rivendosjen e shpejtë të energjisë pasi të kalonte uragani.

Shkollat në të gjithë rajonin anuluan mësimet duke filluar nga pasditja e së hënës. Aeroporti Ndërkombëtar Tampa planifikoi të pezullojë operacionet tregtare duke filluar nga mesdita e së martës.

Ky do të shënonte uraganin e katërt të madh që godet Florida gjatë shtatë viteve të fundit, pas Irma në 2017, Michael në 2018 dhe Ian, i cili arriti kulmin në Kategorinë 5, shtatorin e kaluar.

S.S/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça