Stuhia “Ophelia” godet Europën
dëme e viktima në Irlandë

Ndonëse tashmë është një stuhi tropikale, “Ophelia” vazhdon të konsiderohet mjaft e rrezikshme ndërsa sot goditi me forcë brigjet irlandeze, ku deri më tani ështëraportuar edhe për një viktimë.

Stuhi mbërriti në gadishullin Iberik me erëra që mbërritën me shprjtësi deri në 130 km në orë.

Meteorologët druhen se “Ophelia” mund të sjellë erëra me fuqinë e uraganit, shira të dhunshëm e turbulenca të forta ajrore. Qendra amerikane e Uraganëve parashikon 50 deri në 70 milimetra shi në perëndim të Irlandës e Skoci, dallgë të larta në zonat bregdetare e përmbytje.

Zyrtarët vendas nuk përjashtojnë mundësinë që stuhia të shkaktojë ndërprerje të energjisë elektrike, e paralajmërojnë mbi rrezikun e objekteve që ngre era e fortë në ajër, vështirësitë e transportit, apo edhe ndërprerjen e sinjaleve telefonike.

 “Ophelia” lëvizi nga ishujt Azore në oqeanin Atlanik dhe mund të shndërrohet në stuhinë më të fuqishme që godet Mbretërinë e Bashkuar në 30 vite, që prej asaj shkatërrimtare të vitit 1987.

[gallery]24291[/gallery]

Redaksia Online
J.Sh Shqiptarja.com