KORÇË - Një 21 vjeçar është ndaluar me iniciativë nga policia e Korçës. Kjo pasi ditën e djeshme në maternitetin e Korçës, u paraqit një 14 vjeçare e cila lindi një fëmijë. Pas hetimeve 21 vjeçari D.K., pranoi që ishte babai i fëmijës.
Dhe u ndalua për veprën penale ‘Marrëdhënie seksual ose homoseksuale me të rritur’.
'Komisariati i Policisë Korçë ndaloi me iniciativë shtetasin D. K., 21 vjeç, banues në Korçë, për veprën penale "Marrëdhënie seksuale ose homoseksuale me të mitur", pasi dje në martenitetin e qytetit Korçë, ka lindur një fëmijë, një 14-vjeçare. Pas deklarimeve të marra nga Specialistët për Hetimin e Krimit 21-vjeçari ka pranuar që është babai i fëmijës.', njofton policia.
Vajza gëzon shëndet shumë të mirë dhe lindja është bërë natyrale. Çifti janë pjesë e komunitetit egjiptjan dhe kishin një “fejesë” prej një viti dhe të njohur nga të dyja familjet, raporton gazetari Armand Braho.
Gjithashtu po nga burimet spitalore thuhet se 14 vjeçarja është paraqitur me 21 vjeçarin në maternitet dhe se kanë pohuar se kanë një marrëdhënie të rregullt, gjë që 21 vjeçari e ka pranuar edhe përpara uniformave blu që është babai i fëmijës.
Ndërkohë policia po kryen të gjitha procedurat për rastin.