POP 5

Lajmet më të lexuara të 5 minutave të fundit

Politikë

Subashi: Ja deklarata e pasurisë së
Bashës 31 vjeç, Berisha në 'mbrojtje'

Akuzat e bëra nga ana e Armando Subashit për pasurinë e Lulzim Bashës, solli edhe reagimin e fortë të Berishës, i cili i doli në mbrojtje pasardhësit të tij në mënyrë heroike. 
TIRANE- Akuzat e bëra nga ana e Armando Subashit për pasurinë e Lulzim Bashës, solli edhe reagimin e fortë të Berishës, i cili i doli në mbrojtje pasardhësit të tij në mënyrë heroike. Gjatë diskutimit të draftit për ndryshimet e bëra në ligjin për Inspektoratin e Lartë të Deklarimit dhe Kontrollit të Pasurisë, deputeti Armando Subashi theksoi se tanimë duhet të futemi në rrënjët e politikanëve në pasurinë e tyre, ku në thelb kishte deklaratën e Lulzim Bashës në vitin 2005. “Jam dakord me zonjën Topalli që të kërkojmë rrënjët e pasurisë së çdo zyrtari.

Po, jam dakord. Shtëpi në Holandë, 500 mijë gulden; apartament në Tiranë; apartament tjetër në Tiranë; apartament në Durrës; automjet Mercedes Benz; pikturë me vlerë 6500 euro; orë dore 5200 euro; orë dore tjetër; unazë diamanti 11 mijë euro; serviz pjatash kineze 6800 euro; aksione në bursë 18 mijë euro etj. Besoj e kuptuat! Është deklarata e bërë në 2005-ën e një 31 vjeçari.

Bini dakord t’i gjejmë rrënjët kësaj pasurie zonja Topalli. Ta gjejmë si është vënë kjo pasuri pa asnjë ditë punë,”,- tha Subashi. Por pas kësaj deklarate erdhi edhe reagimi i Sali Berishës, i cili në mënyrë heroike i doli në mbrojtje Bashës, duke theksuar se Basha ka qenë shqiptari më i paguar në Hagë.

Duke marrë shkasë nga kjo, ish-kryeministri bëri apel nga salla e Kuvendit për një revoltë të fuqishme kundër qeverisë. Krahas kësaj, Berisha akuzoi Ramën se para tri ditësh ka zhvilluar një takim prej 2 orë e30 minutash me kreun e ILDKP-së. “Ai ka qenë shqiptari më i paguar në Hagë, ndërsa gruaja e tij ka qenë fort e paguar në misionin në Holandë. Kryekreu juaj ka zhvilluar para dy ditësh një takim prej 210 minutash me kreun e ILDKP-së, ku i ka kërkuar falcifikimin e deklarimeve të tyre të pasurisë. I bëj edhe një herë thirrje qytetarëve nga këtu që të ngrihemi më fuqishëm se kurrë kundër qeverisë”,- theksoi Berisha.

balla berisha debate


Shkrimi u publikua sot 25 prill 2014 në gazetën Shqiptarja.com (print)

Redaksia online
(d.a/shqiptarja.com) 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Zgjedhjet/ Daci në Repolitix: PS më e favorizuara nga vota e diasporës! Basha: Do votojnë kundër pushtetit! Muça: Do jetë pjesëmarrje qesharake

Zgjedhjet/ Daci në Repolitix: PS më e favorizuara nga vota e diasporës! Basha: Do votojnë kundër pushtetit! Muça: Do jetë pjesëmarrje qesharake

15 Janar, 22:04