/ATSH-AFP/ - Qeveria suedeze njoftoi sot se kishte arritur një marrëveshje me opozitën e qendrës së djathtë që i mundëson të mos zhvillojë zgjedhje legjislative të parakohshme dhe të zgjidhë krizën politike në të cilën ekstremi i djathtë ka zhytur vendin.

"Me marrëveshjen që kemi arritur, që mundëson një qeveri minoritare për të drejtuar vendin, qeveria nuk do të organizojë zgjedhje të parakohshme në muajin mars, ashtu si ishte njoftuar në fillim të muajit", deklaroi kryeministri, Stefan Löfven, i rrethuar nga përfaqësuesit e të Gjelbërve, aleati qeveritar dhe katër partitë e Aleancës (qendra e djathtë) në një konferencë shtypi në Stokholm.