POP 5

Lajmet më të lexuara të 5 minutave të fundit

Bota

Hetuesit suedez: Janë gjetur gjurmë eksplozivi në tubacionet Nord Stream

Hetuesit kanë gjetur gjurmë të eksplozivit në vendin e tubacioneve të dëmtuara Nord Stream, duke konfirmuar se kishte ndodhur një sabotim i madh, tha të premten një prokuror suedez.

Hetuesit suedez: Janë gjetur gjurmë eksplozivi në tubacionet Nord Stream

Shperthimi

Hetuesit kanë gjetur gjurmë të eksplozivit në vendin e tubacioneve të dëmtuara Nord Stream, duke konfirmuar se kishte ndodhur një sabotim i madh, tha të premten një prokuror suedez.

Autoritetet suedeze dhe daneze po hetojnë tubacionet Nord Stream 1 dhe 2 që lidhin Rusinë dhe Gjermaninë nëpërmjet Detit Baltik, raporton Reuters.

Danimarka muajin e kaluar tha se një hetim paraprak kishte treguar se rrjedhjet ishin shkaktuar nga shpërthime të fuqishme.

Në një deklaratë, prokurori Mats Ljungqvist tha: “Gjatë hetimeve që u kryen në vendngjarje në Detin Baltik, u bënë konfiskime të gjera dhe zona është dokumentuar me kujdes. Analizat e kryera tani tregojnë gjurmë të eksplozivit në disa nga objektet e huaja që u gjetën. Puna e avancuar e analizës vazhdon në mënyrë që të mund të nxirren përfundime më të forta për incidentin”.

Sizmologët në Danimarkë dhe Suedi kanë thënë më parë se kishin regjistruar dridhje në afërsi të rrjedhjeve dhe se sinjalet nuk ngjanin me ato të tërmeteve.

Një seksion me përmasa të paktën 50 metra mungon nga Nord Stream 1, raportoi e përditshmja suedeze Expressen më 18 tetor pasi filmoi ato që tha se ishin imazhet e para të publikuara publikisht të dëmtimit.

Ministria ruse e mbrojtjes muajin e kaluar tha se personeli i marinës britanike hodhi në erë tubacionet, një pretendim që Londra tha se ishte i rremë dhe i krijuar për të shkëputur vëmendjen nga dështimet ushtarake ruse në Ukrainë.

S.S/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Auron Tare: Kush e vrau Heroin e Revolucionit Grek Marko Boçari

Auron Tare: Kush e vrau Heroin e Revolucionit Grek Marko Boçari

27 Janar, 20:07 nga Auron Tare