Ministri i Jashtëm suedez Tobias Billstrom u shpreh i bindur se vendi i tij ka bërë gjithçka për të marrë miratimin e Turqisë për anëtarësimin e saj në NATO. Billstrom tha të mërkurën se Suedia kishte përmbushur detyrimet e saj në një marrëveshje me Turqinë për anëtarësimin në NATO. Sipas tij është koha që Parlamenti turk të fillojë procesin e ratifikimit për të lejuar Suedinë të bashkohet me aleancën.
"Gjykimi ynë është se ne kemi bërë atë që pritej prej nesh, tani është koha që Parlamenti turk të nisë procesin e ratifikimit," tha ai për Reuters.
Turqia dhe Hungaria abstenuan për një kohë të gjatë nga miratimi i anëtarësimit të Suedisë në aleancë, duke përmendur përpjekjet e pamjaftueshme për antiterrorizëm, përkatësisht kundër organizatës PKK. Sipas Erdogan grup terrorist ka marrë mijëra jetë në të gjithë Turqinë për dekada të tëra. Të martën, një burrë i akuzuar për tentativë për financimin e terrorizmit të PKK u paraqit në një gjykatë suedeze, në rastin e parë të tillë në vendin nordik.
Turqia ka akuzuar Suedinë si një strehë për terroristët, veçanërisht për anëtarët e ‘PKK’, dhe i ka kërkuar Stokholmit të ekstradojë dhjetëra persona. Një prej të akuzuarve, rreth të 40-tave, u arrestua në janar pasi bëri kërcënime dhe qëlloi me armë zjarri jashtë një restoranti në Stokholm.
Sipas prokurorëve, personi kishte për qëllim të zhvaste para dhe t'i përdorte ato për të financuar PKK. Prokurori argumentoi se burri luajti një rol kyç në aktivitetet e organizsatës në Suedi. Sipas fletës së akuzës, e cila gjithashtu referon provat nga inteligjenca franceze dhe gjermane, burri kishte qenë në kontakt me njerëz të përfshirë drejtpërdrejt në financimin e PKK dhe kishte vepruar në emër të grupit.
Suedia shtrëngoi legjislacionin e saj kundër terrorizmit në korrik të vitit të kaluar, duke e bërë më të lehtë ndjekjen penale të aktiviteteve financuese për organizatat terroriste. Kjo është hera e parë që ligji i ri, i përdorur tashmë në rastet e lidhura me Daesh-in, është përdorur kundër një mbështetësi të dyshuar të organizatës të cilën Turqia e përcakton si terroriste.
Duke i dhënë fund dy shekujve neutraliteti dhe mosangazhimi ushtarak, Suedia dhe Finlanda fqinje njoftuan ofertat për t'u bashkuar me NATO-n në maj të vitit të kaluar pasi Rusia pushtoi Ukrainën.
Komente
Lajme të tjera
-
'Dorëzoni armët, ose do groposeni me to', Erdogan paralajmëron rebelët kurdë në Siri
25 Dhjetor, 15:50 -
25 vjet Putin, nga miku në armik
25 Dhjetor, 12:41 -
Turqi/ Shpërthim në një fabrikë municionesh në provincën Balikesir, raportohet për 12 të vdekur dhe 3 të plagosur (VIDEO)
24 Dhjetor, 07:59 -
Shefi i NATO-s i shqetësuar për sigurinë afatgjate të aleancës
23 Dhjetor, 16:58 -
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
Ministri i jashtëm turk takon kreun e HTS-së në Damask
22 Dhjetor, 16:23 -
Marrëveshja për emigrantët, Meloni mbledh nesër qeverinë: Më duket se Kasacioni na ka dhënë të drejtë
22 Dhjetor, 11:51 -
Turqi, helikopteri ambulancë përplaset me godinën e spitalit, 4 të vdekur (VIDEO)
22 Dhjetor, 10:30 -
Ilir Yzeiri: Teksti i Edi Ramës dhe fshati i madh shqiptar
21 Dhjetor, 19:45
-
Bazë e re ushtarake e SHBA-së në Poloni! Sistemi i ri për mbrojtjen nga raketat përforcon krahun lindor të NATO-s
21 Dhjetor, 18:42 -
Trump do t’u kërkojë vendeve të NATO-s të rrisin shpenzimet për mbrojtjen në 5% të PBB-së
21 Dhjetor, 16:55 -
Dy senatorë amerikanë propozojnë sanksione ndaj Turqisë lidhur me veprimet në Siri
21 Dhjetor, 15:36
