POP 5

Lajmet më të lexuara të 5 minutave të fundit

Bota

Në kulmin e tensionve SHBA - Turqi, sulmohet me armë zjarri ambasada amerikane në Ankara

Një person i armatosur ende i paidentifikuar ka qëlluar disa herë me armë zjarri drejt Ambasadës së SHBA-ve në kryeqytetin turk të Ankarasë. Sulmi vjen në një kohë jo të mirë mes dy vendeve.

Turqi- Një person i armatosur ende i paidentifikuar ka qëlluar disa herë me armë zjarri nga një makinë drejt Ambasadës së SHBA-ve në kryeqytetin turk të Ankarasë rreth orës 05:00 të mëngjesit. Fatmirsisht nga sulmi nuk ka asnjë person të lënduar.

Sipas dëshmitarëve, agresorët erdhën nga një makinë e bardhë, e cila kaloi me shumë shpejtësi saqë edhe numri i targës nuk mund të përcaktohej.

Policia ka mbërritur në vendin e ngjarjes dhe ka punën për gjetjen e makinës dhe kapjen e autorëve.

Sulmi drejt ambasadës amerikane vjen në një kohë kur marrëdhëniet midis SHBA-së dhe Turqisë nuk janë në kohën e tyre më të mirë. Kjo edhe pas arrestimit të pastorit amerikan Andrew Brunson në Turqi. Brunson akuzohet se ka ndihmuar përpjekjet për grusht shteti në  2016-tën dhe rrezikon të përballet me 35 vjet burg.

Nga ana e tyre, SHBA-të kanë vendosur sanksione ndaj ministrit të Drejtësisë dhe atij të Brendshëm, ndërsa presidenti Trump ka nxitur tarifat për importin e aluminit dhe çelikut në vend.

Presioni ekonomik i ushtruar ka bërë që lira të zhvlerësohet si kurrë më parë.

Nga ana e tij, presidenti turk Rexhep Tajip Erdogan ka akuzuar Uashingtonin për sulme të qëllimshme ndaj ekonomisë së Ankarasë për këtë arsye ai i ka kërkuar popullit të tij të heqë dollarin nga qarkullimi në mënyrë që edhe SHBA-të të ‘ndëshkohen’ për sulmet drejt Ankarasë zyrtare.

Thirrjeve të Erdogan i janë përgjigjur edhe qytetarët turq, të cilët në mënyrë demonstrative kanë djegur tufa me dollarë dhe kanë thyer iPhone-ët e tyre me çekiç.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Ylli Pata: Pse Gaz Bardhi i trembet primareve në PD?!

Ylli Pata: Pse Gaz Bardhi i trembet primareve në PD?!

15 Janar, 20:39 nga Ylli Pata