Sulmet vdekjeprurëse në SHBA, Joe Biden: Janë kthyer në epidemi! Kongresi të marrë vendim për ndalimin e armëve

Pas sulmit të ditës së premte ku një njeri i armatosur vrau gjashtë persona në jug të SHBA-ve, ka reaguar edhe presidenti i SHBA-ve, Joe Biden i cili bëri thirrje për kufizime të forta të armëve vetëm pak ditë pas një sulmi vdekjeprurës në universitet. 

Në një deklaratë të bërë mbrëmjen e së premtes, Biden tha se mendimet dhe lutjet nuk mjaftojnë, dhe se të shtënat me armë janë kthyer tashmë në një epidemi. 

"Jemi 48 ditë në vitin dhe kombi ynë ka pësuar tashmë të paktën 73 të shtëna masive. Mendimet dhe lutjet nuk mjaftojnë. Dhuna me armë është një epidemi dhe Kongresi duhet të veprojë tani," tha Biden.

LEXO EDHE:
U dhunua nga policët në SHBA për 13 minuta, studenti italian bërtet dhe qan nga dhimbja! Nëna: Djali ka tentuar të vetvritet 4 herë (VIDEO)

Muajin e kaluar, dy sulme vdekjeprurëse ndodhën gjithashtu brenda më pak se një jave, si në Kaliforni ashtu edhe me komunitetin aziatik amerikan.

“Ne kemi nevojë për reforma të arsyeshme të ligjit për armët”, tha Biden të premten mbrëma.

Thirrjet e tij për Kongresin për të rivendosur një ndalim kombëtar të armëve, i cili ekzistonte nga viti 1994 deri në 2004, ka hasur në kundërshtimin e republikanëve, të cilët janë mbrojtës të vendosur të së drejtës kushtetuese për të mbajtur armë.

Vlerësohet se ka pasur rreth 44,000 vdekje të lidhura me armë në Shtetet e Bashkuara vitin e kaluar, rreth gjysma e tyre raste vrasjesh, aksidentesh dhe vetëmbrojtjeje, dhe gjysma e tyre janë vetëvrasje.
 

B.V/Shqiptarja.com

TAG:
• SHBA
• Joe Biden