POP 5

Lajmet më të lexuara të 5 minutave të fundit

Bota

Sulmi ndaj Izraelit/ BE: Sanksione të reja ndaj Iranit! Michel: Është kërcënim për të gjithë rajonin, duhet ta izolojmë

BE-ja ka rënë dakord të zgjerojë sanksionet ndaj prodhuesve iranianë të dronëve dhe raketave pas sulmit të paprecedentë të Teheranit ndaj Izraelit. Vendimi i mor gjatë një samiti në Bruksel, i pari që nga sulmi iranian ndaj Izraelit. SHBA pritet që të vendosë sanksione në ditët në vijim.

Udhëheqësit e BE-së, të mbledhur në një samit të jashtëzakonshëm në Bruksel, dënuan sulmin e Iranit ndaj Izraelit dhe bënë thirrje për shmangien e përshkallëzimit dhe një 'armëpushim të menjëhershëm' në Gaza.

"Këshilli Evropian dënon fuqishëm dhe pa mëdyshje sulmin iranian ndaj Izraelit dhe rithekson solidaritetin e tij të plotë me popullin e Izraelit dhe përkushtimin e tij për sigurinë e Izraelit dhe stabilitetin rajonal. Këshilli Evropian i bën thirrje Iranit dhe delegatëve të tij që të ndalojnë të gjitha sulmet dhe u kërkon të gjitha palëve të tregojë përmbajtje maksimale dhe të përmbahet nga çdo veprim që mund të rrisë tensionet në rajon”, thuhet në konkluzionet e miratuara.

Udhëheqësit vendosën të mërkurën të rrisin sanksionet kundër Iranit pasi sulmit me raketa dhe dron ndaj Izraelit. BE-ja ka rënë dakord të zgjerojë sanksionet ndaj prodhuesve iranianë të dronëve dhe raketave.

Presidenti i Këshillit Evropian, Charles Michel në një deklaratë për shtyp tha se Irani nuk është kërcënim vetëm për Izraelin, por të gjithë stabilitetin në rajonin e Lindjes së Mesme. Michel theksoi se duhen marrë masa për ta izoluar atë.

“Ne mund të reflektojmë së bashku dhe të identifikojmë mjetet më të mira që mund të përdorim për të mbështetur Izraelin, popullin e tij, sigurinë dhe të drejtën e tij për të ekzistuar dhe për të shmangur përshkallëzimin e mëtejshëm shumë aktiv në nivel diplomatik dhe i angazhuar shumë me vendet e rajonit, sepse vendet e rajonit e dinë se Irani është një kërcënim jo vetëm për Izraelin. Ai është një kërcënim për stabilitetin në rajon, kur e pamë se Irani vendosi të nisë sulmin e tij disa ditë më parë kundër Izraelit. Për këtë arsye, angazhimi në rajon është thelbësor dhe ne duhet të izolojmë Iranin, të vendosim sanksione kundër Iranit dhe të punojmë me partnerët tanë”, tha Michel.

Vendimi për sanksione të reja u mor gjatë samitit në Bruksel, i cili shënoi takimin e parë midis 27 liderëve të bllokut që nga sulmi i drejtpërdrejtë i Iranit ndaj Izraelit me më shumë se300 raketa dhe dronë, të cilët kryesisht u rrëzuan nga Izraeli dhe aleatët e tij. BE ka aktualisht sanksione ndaj Iranit, ndërsa SHBA ka lënë të kuptohet se do t’i vendosë në ditët në vijim.

Izraeli, i cili duket se është kundërpërgjigjur vetëm me një ofensivë diplomatike deri më tani, nuk e ka përjashtuar një përgjigje. Por liderët botërorë kanë vazhduar të bëjnë thirrje për përmbajtje, në një përpjekje për të parandaluar një konflikt më të gjerë në Lindjen e Mesme.

"Për ne, është e rëndësishme që ky moment të përdoret tani edhe për de-përshkallëzimin e mëtejshëm dhe që Izraeli gjithashtu ta përdorë këtë sukses për të forcuar pozicionin e tij në të gjithë rajonin dhe të mos përgjigjet me një sulm masiv të tij," tha kancelari gjerman Olaf Scholz pas takimit të së mërkurës.

Izraeli u ka bërë thirrje aleatëve të tij që të sanksionojnë programin raketor të Teheranit dhe që Korpusi i Gardës Revolucionare Islamike (IRGC), një forcë e madhe ushtarake dhe politike në Iran, të cilësohet si organizatë terroriste, diçka që SHBA-të kanë bërë, por BE-ja dhe Britania e Madhe nuk e kanë bërë ende.

BE-ja tashmë ka një gamë të gjerë sanksionesh të vendosura ndaj Iranin për abuzimet e të drejtave të njeriut, aktivitetet e përhapjes bërthamore dhe mbështetjen ushtarake për Rusinë.

Duke folur për mundësinë e sanksioneve të mëtejshme të martën, sekretarja amerikane e Thesarit, Janet Yellen tha se "të gjitha opsionet për të penguar financimin e terrorizmit të Iranit vazhdojnë të jenë në tryezë". Ajo sinjalizoi gjithashtu se eksportet e naftës të Iranit mund të jenë "një zonë e mundshme" objektiva e Uashingtonit.

SI.E.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Artan: 18/04/2024 10:15

    Ju lumte plehera...! Per gjenocidin izraelit ndaj Palestinezeve nuk kini gje per te thene? Free Palestine!

    Përgjigju
  • Beni: 18/04/2024 09:14

    Keta perendimoret jane te pafytyre , cifutet jane ata qe po sulmojne gjithe rajonin dhe sulmuan Iranin kurse tani sipas ketyre maskarenjve na del qe duhet izoliar Irani sepse ju kunderpergjigj terroristeve cifut kjo eshte nje paturpesi e perendimit

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Çfarë është Jubileu, sa shpesh festohet, kuptimi fetar dhe viti 2033

Çfarë është Jubileu, sa shpesh festohet, kuptimi fetar dhe viti 2033

24 Dhjetor, 17:16