POP 5

Lajmet më të lexuara të 5 minutave të fundit

Arkiva

Sulmi ndaj policisë maqedonase
shtohen forcat e sigurisë në Likovë

Në rajonin e komunës së Likovës situata aktualisht është e qetë, por me një prani të madhe policore. Incidenti i një dite më parë në zonën kufitare Maqedoni-Kosovë kur një grup i armatosur prej 40 personash mori nën kontroll postën kufitare policore në fshatin Goshincë ka shtuar tensionet dhe dyshimet për shkak të informacioneve kontradiktore.
Sulmi ndaj policisë maqedonase<br />shtohen forcat e sigurisë në Likovë
Në rajonin e komunës së Likovës situata aktualisht është e qetë, por me një prani të madhe policore. Incidenti i një dite më parë në zonën kufitare Maqedoni-Kosovë kur një grup i armatosur prej 40 personash mori nën kontroll postën kufitare policore në fshatin Goshincë ka shtuar tensionet dhe dyshimet për shkak të informacioneve kontradiktore.
 
Policia deklaron se bëhet fjalë për një atak terrorist ndaj institucioneve të sigurisë dhe se po kërkojnë autorët e sulmit.
 
Organizata e vetëquajtur Ushtria Çlirimtare Kombëtare përmes një komunikate të shpërndarë në media mori përsipër kryerjen e këtij sulmi, por duke mos dhënë detaje dhe pa zbuluar identitetin e tyre. Ata e konsiderojnë veten si një grup kryengritës dhe në letër u bëjnë thirrje të gjithë shqiptarëve të bashkohen me ta.
 
Dy partitë e koalicionit VMRO-DPMNE dhe BDI kanë dhënë komente dhe vlerësime kontradiktore mbi incidentin. VMRO e quajti këtë akt sulm terrorist, ndërsa BDI thekson se ky akt dëmton situatën e shqiptarëve duke kërkuar sigurimin dhe izolimin e këtyre grupeve nëpërmjet aktiviteteve rajonale, duke nënkuptuar bashkëpunimin me Kosovën.
 
Partia opozitare maqedonase LSDM ka akuzuar se incidenti është skenar i pushtetit mbi nxitjen e mos-tolerancës etnike me qëllim shmangien e qeverisë nga përgjegjësia penale, pas aferës së përgjimeve për skandale korruptive dhe kriminale. 

Njësitet speciale dhe forcat speciale policore po patrullojnë në një hapësirë me perimetër prej 15 kilometrash në këtë zonë që ndodhet disa kilometra nga kufiri me Kosovën. 

Zona kufitare vazhdon të monitorohet edhe nga helikopterë të policisë, ndërsa nga orët e para të mëngjesit në terren janë edhe ekipet e OSBE-së.

sulmi ne maqedoni

Mëngjesin e së martës një grup prej 40 personash të armatosur dhe të veshur me emblemën e UÇK-së sulmuan forcat maqedonase të Sigurisë në stacionin policor në fshatin Goshincë, në afërsi të kufirit me Kosovën.  Sulmuesit mbajtën lidhur përreth një orë 4 policë maqedonas të cilët i çarmatosën.

Sipas zëdhënësit të policisë maqedonase,  Ivo Kotevski, sulmuesit kanë komunikuar mes tyre në gjuhën shqipe dhe kanë hyrë nga Kosova.

“Personi, që ka udhëhequr grupin e armatosur, i është drejtuar në gjuhën shqipe policëve të lidhur,  me këto fjalë: Ne jemi UÇK dhe porosisim të gjithë, se as Ahmeti dhe as Gruevski nuk do të mund t’iu shpëtojnë. Ne duam shtetin tonë dhe nuk duam Marrëveshjen e Ohrit. Nëse iu kapim përsëri këtu do t’iu eliminojmë”, tha Kotevski.

Por policia e Kosovës dje përgënjeshtroi këto pretendime duke thënë se asnjë person apo grup kriminal nuk ka kaluar kufirin për të sulmuar stacionin e policisë. 

Redaksia Online
(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Lufta/ Hamasi e mirëpret një armëpushim mes Izraelit dhe Hezbollahut

Lufta/ Hamasi e mirëpret një armëpushim mes Izraelit dhe Hezbollahut

26 Nëntor, 07:16