Sulmi në Izrael, Zelensky: Dy viktima dhe mbi 100 ukrainas i'u drejtuan ambasadës ukrainase për ndihmë

Presidenti ukrainas, Volodymyr Zelensky, përmes një videoje të postuar në platformën X (ish-Twitter), tha se mbi 100 qytetarë ukrainas në Izrael ishin drejtuar pranë ambasadës ukrainase për ndihmë pas sulmit të Hamasit.

“Mbi 100 qytetarë ukrainas në Izrael iu drejtuan ambasadës ukrainase për ndihmë pas sulmit të Hamasit. Vendndodhja e pesë bashkëqytetarëve tanë në jug të Izraelit është përcaktuar", shkroi Zelensky në X, duke kujtuar se dy shtetas ukrainas u vranë gjatë sulmeve dhe se ambasada ukrainase po punon ngushtë me policinë izraelite.

LEXO EDHE:
Erdogan: Pas Gazës, Izraeli do të synojë Turqinë! Netanyahu do të vdesë në burg si Mlladiç

Udhëheqësi ukrainas theksoi se shërbimet diplomatike dhe inteligjente ukrainase po punojnë gjatë gjithë kohës për të ndihmuar të gjithë qytetarët në nevojë.

"Terrorizmi ka hapur shumë fronte kundër njerëzimit. Lufta kundër Ukrainës. Lufta në Lindjen e Mesme. Destabilizime të tmerrshme në të gjithë Afrikën. Përpjekje të vazhdueshme për të provokuar një krizë në tregun global të ushqimit”, tha Zelensky.

Lajmi kryesor:

Lufta/ Mbi 900 të vrarë në Izrael, 687 në Rripin e Gazës! Hamasi kërcënon me ekzekutimin e pengjeve ndërsa Netanyahu sulmon me raketa

S.S/Shqiptarja.com

TAG:
• Volodymyr Zelensky
• sulmohet izraeli