POP 5

Lajmet më të lexuara të 5 minutave të fundit

Politikë

Sulmi në Siri, Rama: Qeveria e re
do mbështesë ushtarakisht NATO

Kryeministri i ardhshëm Edi Rama ka deklaruar sot se qeveria e re shqiptare  do të mbështesë të gjitha përpjekjet ushtarake të SHBA-së dhe NATO-s për çlirimin e popullit sirian. Rama:" Shqipëria i ka një borxh historik SHBA"
Sulmi në Siri, Rama: Qeveria e re<br />do mbështesë ushtarakisht NATO
TIRANE- Kryeministri i ardhshëm Edi Rama ka deklaruar sot se qeveria e re shqiptare  do të mbështesë të gjitha përpjekjet ushtarake të SHBA-së dhe NATO-s për çlirimin e popullit sirian pasi Shqipëria i ka një borxh historik të pashlyeshëm atyre që mbështetën aspiratën e shqiptarëve për liri.
 
Në një deklaratë për shtyp nga selia e PS, Rama deklaroi sot: "Si një komb që njeh mirë parimet e lirisë dhe dhunën nga regjimet shtypëse, ne qëndrojmë pranë popullit sirian në këtë moment tragjik për të.

Si një popull që e ka lidhur fatin dhe të ardhmen e tij me fatin dhe të ardhmen e lirisë e të demokracisë, ne do të jemi pa asnjë diskutim e hezitim në krah të Shteteve të Bashkuara në çdo front beteje ushtarake që arsye të vetën, ka lirinë e njerëzve dhe çlirimin e popujve nga regjimet barbare të cilat shkojnë deri tek armët kimike për mbijetesën e tyre.

Si qeveria e re e Shqipërisë, ne do të jemi kurdoherë dhe me çdo çmim, në lartësinë e borxhit të pashlyeshëm historik ndaj aleatëve që mbështetën aspiratën e shqiptarëve për liri dhe sot ne jemi njësh me ta, në shprehjen e revoltës ndaj regjimit të Damaskut e të përgjegjësisë për t’ju kundërpërgjigjur ushtarakisht politikës shfarosëse të armëve kimike.

Jemi plotësisht gati që me të marrë detyrën në Kuvendin e Shqipërisë, të marrim edhe detyrën që na takon për të mbështetur me të gjitha kapacitetet e kërkuara operacionale përpjekjen e Aleancës Euroatlantike për të ndalur marrëzinë vrastare ndaj popullit sirian.

Jam i bindur se në këtë drejtim Kuvendi i Shqipërisë do të jetë unanim përballë çdo kërkese që do të vij nga NATO dhe ne do të jemi të pakursyer për të qëndruar pranë popullit sirian në këtë moment të vështirë për të,"- përfundoi Rama.

Redaksia online
(Armanda Shtëmbari/Shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça