Sulmi terrorist në Ankara,arrestohen dhjetëra persona! Në ‘shënjestër’ personat e lidhur me militantët kurdë

Policia turke ka arrestuar të paktën 928 persona të dyshuar për lidhje me luftëtarët kurdë dy ditë pas një sulmi vetëvrasës me bombë në kryeqytetin e Turqisë, Ankara.

Ministri i Brendshëm Ali Yerlikaya tha se policia kreu bastisje në 64 provinca turke, duke arrestuar njerëz të dyshuar se ishin pjesë e "strukturës së inteligjencës" të Partisë së jashtëligjshme të Punëtorëve të Kurdistanit (PKK).

Rreth 13,400 personel sigurie morën pjesë në operacione, tha ministri në postimet në platformën e mediave sociale X, duke shtuar se më shumë se 1,000 armë të paligjshme ishin sekuestruar. PKK ka udhëhequr një rebelim të armatosur prej dekadash në Turqi dhe konsiderohet një organizatë "terroriste" nga Shtetet e Bashkuara dhe Bashkimi Evropian. Dhjetëra mijëra njerëz kanë vdekur që nga fillimi i konfliktit në 1984.

Mëngjesin e 1 tetorit, në prag të nisjes së sesionit të ri parlamentar, Turqia u trondit nga një sulm me bombë para ndërtesave ministrore dhe Parlamentit turk në Ankara Ministria e Brendshme e Turqisë deklaroi se sulmi u krye nga dy terroristë, njëri prej tyre u vra nga shpërthimi, ndërsa tjetri u “neutralizua” nga forcat turke.

Përgjegjësinë për sulmin e mori Partia e Punëtorëve të Kurdistanit (PKK).

Dy oficerë të policisë turke u plagosën lehtë gjatë sulmit që ndodhi në orën 9:30 të dielën, por sipas Ministrit të Brendshëm të Turqisë, Ali Yerlikaya, ata janë jashtë rrezikut për jetën.

M.T/Shqiptarja.com

TAG:
• Sulm terrorist
• ankara
• turqi