Reperi i njohur shqiptar ka qenë mbrëmjen e kaluar në qytetin e Gjakovës për të dhënë një concert. Mirëpo teksa Azet performonte në skenë, një incident i pakëndshëm ka ndodhur mes dy klientëve.
Burime për ‘Insajder’ shprehen se dy persona kanë filluar të sulmojnë fizikisht njëri-tjetrin teksa reperi performonte në skenë. Policia lokale ka sqaruar më tej se bëhej fjalë për një zënkë mes një djali dhe ish-të dashurës së tij, të cilës i kishte hequr nga qafa edhe varësen që i kishte dhuruar. Sherri ka qenë i madh kështu që Azet është detyruar të ndërpresë performancën. Më tej sqarohet se gruaja ka pësuar lëndime trupore dhe është dërguar për trajtim mjekësor.
Azet u bë i njohur për të rinjtë shqiptar në bashkëpunimin me Noizyn në hitin “Kriminel”, por këngët e tij janë të shumta dhe dëgjohen në të gjithë tregun gjerman.