Kryeministri i Britanisë së Madhe Rishi Sunak dhe presidenti i SHBA Joe Biden kanë rënë dakord për një partneritet të ri për të forcuar sigurinë ekonomike në përgjigje të kërcënimit në rritje të Kinës.
Duke hequr dorë nga dështimi i tij për të përmbushur premtimin e manifestit konservator për të arritur një marrëveshje të tregtisë së lirë me SHBA-në, kryeministri britanik së bashku me presidentin e SHBA njoftuan Deklaratën e Atlantikut gjatë një takimi në Shtëpinë e Bardhë.
Ishte hera e parë që Sunak vizitoi shtëpinë e presidencës amerikane.
Ata ranë dakord për të thelluar bashkëpunimin e ngushtë ekonomik mes dy vendeve duke u zotuar se do të përshpetojnë kalimin tek përdorimi i energjisë së pastër dhe do të konsolidojnë zinxhirët jetikë të furnzimit me minerale.
Në konferencën e përbashkët për shtyp pas takimit me zotin Sunak, Presidenti Biden tha se kishte zhvilluar diskutime të rëndësishme dhe pozitive me zotin Sunak për forcimin e marrëdhënieve mes dy vendeve. Ai tha se partneriteti ekonomik SHBA-Britani është një burim i jashtëzakonshëm force.
“Nuk ka asnjë çështje të rëndësishme në të cilën SHBA dhe Britania nuk udhëheqin së bashku”, tha presidenti Biden.
Dy udhëheqësit diskutuan edhe për “mbështetjen e palëkundur ndaj popullit të Ukrainës”, siç u shpreh zoti Biden.
Presidenti Biden tha se ai beson se Shtetet e Bashkuara do të kenë fondet e nevojshme për të mbështetur Ukrainën për sa kohë do të duhet ndërsa Rusia vazhdon agresionin ndaj fqinjit të saj.
Kryeministri Sunak tha se vendet që mbështesin Ukrainën duhet t’i dërgojnë një mesazh të qartë presidentin Putin se ata do të mbështesin Kievin dhe se Ukraina nuk do të dobësohet ndërsa lufta vazhdon.
“Sa më shumë të ndihmojmë Ukrainën, jo vetëm tani pasi mbështjetja do të vazhdojë për një kohë të gjatë dhe në vitet në vazhdim, aq më shumë mendoj se i dërgojmë nje mesazh të fortë Putinit”, tha zoti Sunak.
Biden dhe zoti Sunak firmosën “Deklaratën e Atlantikut” që zoti Sunak e cilësoi si partneritetin e parë ekonomik të këtij lloji që do të përcaktojë bashkëpunimin e ardhshëm në çështje si inteligjenca artificiale dhe marrëdhënie të tjera tregtare dhe eknomike.
“E di se shumë njerëz kanë ngritur pikëpyetjen se çfarë llojë partneri do të jetë Britania pasi doli nga Bashkimi Europian. Do t’u thosha që gjykoni veprimet tona. Ne jemi më të angazhuar se kurrë ndaj vlerave tona, si një partner i besueshëm dhe si një destinacion tërheqës për investime”, tha kryeministri britanik.
Sunak tha se me Presidentin Biden kishte rënë dakord të bashkëpunonin për sigurinë kibernetike.
“Sot, me presidentin Biden ramë dakord të punojmë bashkë për sigurinë në intelingjencën artificiale. Britania pret me padurim që të mirëpres takimin e nivelit të lartë mbi sigurinë kibernetike më vonë gjatë këtij viti, që të mund të vlerësojmë mundësitë e jashtëzakonshme të kësaj epoke të re te teknologjisë dhe ta bëjme këtë në mënyrë të sigurt”, tha kryeministri Sunak.
Lajme të tjera
-
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Akte antishqiptare nga të verbër që nxiten nga Tirana! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
'Trumpi hesht, Ukraina debaton', Presidenti i zgjedhur i SHBA-së ende pa një plan zyrtar për të ndaluar luftën e Rusisë
24 Nëntor, 08:37 -
Lufta në Ukrainë/ Media: Moska po rekruton Jemenas për të luftuar në Kiev
24 Nëntor, 08:24 -
Dronë misteriozë shihen mbi 3 baza amerikane në Britani
24 Nëntor, 07:41 -
Stuhi, reshje shiu dhe dëbore godasin Shtetet e Bashkuara
23 Nëntor, 21:12 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Stuhia ‘Bert’ godet Mbretërinë e Bashkuar! Konfirmohet viktima e parë
23 Nëntor, 16:51 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35
