Receta

Supë trahana me salcë dhe domate të freskëta nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 6 Qershor 2023, 11:49 | Përditesimi: 6 Qershor 2023, 11:50

Supë trahana me salcë domate

Përbërësit:

3 lgj vaj ulliri
100 ml qumësht
6 lgj trahana
1 lgj gjalpë
1 spec i kuq
2-3 lgj salcë domate
Domate të freskëta
Kripë
Piper i zi
Piper i kuq
Bukë sipas dëshirës

Përgatitja:

LEXO EDHE:
Pulë me oriz në furrë nga zonja Albana

Vendosim domatet dhe specin e kuq të marinuar në furrë për 10 minuta në 200 gradë. Ndërkohë trahananë e tresim në pak ujë me qumësht.

Vendosim rreth 800 ml ujë në një tenxhere të vlojë dhe më pas shtojmë masën e trahanasë. Në frulator kalojmë salcën e domates bashkë me specin dhe domatet e pjekura. E shtojmë tek supa me trahana, e lëmë të marrë valë për pak minuta dhe në fund rregullojmë shijen me kripë e piper. Bukën e prerë në kubikë e kalojmë në një tigan dhe e servirim mbi supë.

MC/Shqiptarja.com

TAG: