Në orët e para të mëngjesit së ditës së martë në Minejrao të Belo Horizontes do të luhet gjysmëfinalja e Kupës së Amerikës mes Brazilit dhe Argjentinës, një ‘supersfidë’ e cila pritet të mbajë të mbërthyer para ekranit miliona futbolldashës në Botë.
Në këtë takim favorit është Brazili pavarësisht se në çerekfinale kaloi me penallti Paraguajin. ‘Seleçao’ në 4 ndeshjet e zhvilluara deri më tani nuk ka pësuar asnjë gol, ndërsa garanci më vete mbetet portieri Alisson. Gardiani që aktivizohet me Liverpool-in nuk ka pësuar gol me Kombëtaren që prej 26 marsit, ndërsa të paprekur portën e ka mbajtur në 8 ndeshjet e fundit duke përfshirë klubin dhe kombëtaren.
Sa i përket formacionit Titte i gëzohet rikthimit të Casemiro-s pas pezullimit për shkak kartonash, ndërsa Richarlon sipas të gjitha gjasave e ka mbyllur kompeticionin. Në dyshim për shkak dëmntimi mbetet Fernandinho, për të cilin gjithsesi nuk do të kishte vend në formacion.
![](https://shqiptarja.com/template/img/NO_ALFA_Kuadrate shqiptarja.png)
Ndërkohë te Argjentina trajneri Scalone nuk pritet të bëjë asnjë ndryshim. Pas Messi-t në majë të sulmit do të jenë Martinez dhe Aguerro, dy futbollistë të cilët kanë nderuar ‘albicelestët’ në ndeshjen e fundit.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)