POP 5

Lajmet më të lexuara të 5 minutave të fundit

Sport

Superkupa e Italisë nuk ndryshon format, zhvillohet sërish në Arabinë Saudite

Tanimë është zyrtare, Superkupa e Italisë do të luhet sërish në Arabinë Saudite dhe gjithmonë me formatin 'Final Four'.

Superkupa e Italisë nuk ndryshon format, zhvillohet sërish në Arabinë Saudite

Inter ngre trofeun e Superkupës

Tanimë është zyrtare, Superkupa e Italisë do të luhet sërish në Arabinë Saudite dhe gjithmonë me formatin 'Final Four'. Domethënë do të jenë katër klube që do të garojnë për trofeun që u fitua nga Interi sezonin e kaluar.

Dakordësia erdhi pas Asamblesë së Lega Serie A që u zhvillua paraditen e së premtes në Itali. Periudha e zgjedhur për turneun është janari 2025, me dy gjysmëfinalet dhe më pas finalen e madhe pasuese.

“Gjatë takimit klubet trajtuan çështjen e kalendarit të garave të tyre, duke konfirmuar formatin me 4 ekipe për Superkupën, të planifikuar për në janar 2025 në Arabinë Saudite”, thuhet në shënimin e Legas.

Duke marrë parasysh renditjen e Serisë A dhe dy ndeshjet e para gjysmëfinale të Kupës së Italisë të planifikuara për javën e ardhshme ( Juve-Lazio më 2 prill dhe Fiorentina-Atalanta një ditë më pas), Interi e ka të sigurt pjesëmarrjen në Final Four, gjithashtu edhe Milan që mban vendin e dytë dhe dy finalistët e Kupës së Italisë.

Fituesi në fuqi i këtij kompeticioni është skuadra e Interit. Arabia Saudite do të presë këtë event për herë të pestë në histori, pas finaleve të viteve 2018, 2019, 2022 dhe së fundmi të vlefshme për 2023-shin.

Skema e aplikuar do të jetë pjesë në sezonin e dytë rresht me 4 skuadrat më të forta, të cilat përcaktohen në këtë formë, fituesja e kampionatit, fituesja e Kupës, finalistja e Kupës si dhe vendi i dytë në kampionat.

Juventusi mban rekordin e titujve në këtë turne me 9 suksese, i ndjekur nga Interi me 8 dhe Milani me 7.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

Iraku drejt legalizimit të abuzimit seksual ndaj të miturve, parlamenti diskuton ligjin që mund të detyrojë 9-vjeçaret të martohen

4 Janar, 23:06