POP 5

Lajmet më të lexuara të 5 minutave të fundit

Sport

Superliga jep verdiktet e para/ Flamurtari dhe Luftetari zyrtarisht bien nga kategoria, trajneri i vlonjatëve: Lojtarët s'kanë mentalitet (VIDEO)

Tetë javë para përfundimit të kampionat Superliga ka dhënë verdiktet për fundin e tabelës. Flamurtari dhe Luftëtari janë zyrtarisht dy skuadrat që sezonin e ardhshëm do të luajnë në kategorinë e parë. Vlonjatët pas 16 vitesh nuk do jenë më në Superligë, ndërsa gjirokastritët pas 4.

Një ekip tradite si Flamurtari pas javës së 28 të Superligës, ku pësoi një humbje 0-1 ndaj Skënderbeut, matematikisht dhe zyrtarisht është i rënë nga Superliga. Pas 16 vitesh skuadra vlonjate do të luajë në Kategorinë e parë, duke sjellë kështu një trishtim në qytet. Se si do të mësonte Flamurtari këtë sezon ishte e qartë që në fillim, por pas ndeshjes me Skënderbeun trishtimi dukej qartë. Trajneri brazilian i vlonjatëve Marcelo Troisi pas ndeshjes u shpreh:

“Për mua është shumë e vështirë që ta komentoj këtë gjë. Ne punojmë për fanellën dhe unë punoj shumë me ekipin. Ne e respektojmë këtë ekip dhe këtë fanellë. Flamurtari është një skuadër me emër shumë të madh. Lojtarët janë të vegjël në mentalitet. Nuk kanë një mentalitet shumë të madh."

Ndërkohë edhe Ilir Daja, trajneri i Skënderbeut që sezonin e kaluar drejtonte Flamurtarin, për rënien nga kategoria të vlonjatëve u shpreh:

“Një qytet me shumë traditë në futbollin shqiptar meriton një ekip më dinjitoz ta përfaqësojë. Kemi marrë kënaqësi të jashtëzakonshme nga ky ekip. Publiku vlonjat është shumë i ndjeshëm karshi futbollit.”

Sakaq java e 28 e Superligës dha edhe një verdikt tjetër. Ashtu si Flamurtari edhe Luftëtari është i rënë nga Superliga si pasojë e humbjes shkatërrimtare 0-5 me Tiranën. Gjirokastritë deri para 2 sezonesh luanin në Kupat e Europës, ndërsa tashmë pas 4 vitesh do rikthehen në Kategorinë e Parë.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu