'Superliga mund të nisë me 10 qershor', FSHF hedh poshtë deklaratën e zv/trajnerit të Vllaznisë: Kjo hipotezë nuk ekziston

Një deklaratë e zëvendës trajnerit të Vllaznisë Safet Osja mëngjesin e sotëm ka pështjelluar ambientin futbollistik në Shqipëri.

“Shpresojmë, që ndoshta ndoshta, mund të shtyhet me një javë kampionati, për ne është pozitive,”-u shpreh Osja.

Sipas zëvendës trajnerit të Vllaznisë futbolli mund të rinisë edhe me 10 qershor, në një kohë kur më 13 maj Federata Shqiptare e Futbollit në një mbledhje të mbajtur me klubet e Superligës vendosën për rinisjen e kampionatit me 3 qershor edhe pse për të dy variantet nuk ka ende një konfirmim nga qeveria.

Si rrjedhojë e kësaj deklarate Report TV u interesua në FSHF, me drejtorin për marrëdhëniet me publikun dhe zyrës së shtypit Andi Verçani që shkurtimisht deklaroi se hipoteza e 10 qershorit të deklaruar nga zëvendës trajneri i Vllaznisë nuk ekziston.

Ne.k./r.k./Shqiptarja.com
  • Sondazhi i ditës:

    A janë të domosdoshme listat e hapura?

Komento


×

Lajmi i fundit

John

Ruçi takim me Hotin: Dialogu me Serbinë gjithëpërfshirës dhe në koordinim me ShBA e BE