E ndërsa kampionati është me pushimet e dimrit, ekipet kanë filluar fazat përgatitore dhe punën në merkato për të afruar futbollistë sa më cilësorë për të plotësuar hapësirat e krijuara nga faza e parë.

Ditët e para të Janarit 2015 kanë filluar me lajme të forta, pas largimit të Igli Allmucës nga Kukësi, sot ka qenë radha e Gilman Likës për t’i dhënë lamtumirën Flamurtarit.

Largimi i mesfushorit shkodran ka qenë me konsensus të plotë me drejtuesit e ekipit të Flamurtarit, teksa në ditët në vijim pritet që të shoqërohet edhe nga Gjergji Muzaka. Tirana është në radhë të parë për të përfituar nga shërbimet e dy lojtarëve.


d.b/shqiptarja.com