Superliga presion qeverisë nga Bjellorusia: Bojkot dhe protesta deri në plotësimin e 4 kërkesave

Superliga presion qeverisë nga Bjellorusia: Bojkot dhe protesta deri në plotësimin e 4 kërkesave

Presidentët e superligës në Minsk

Kampionati shqiptar i futbollit nuk do të nisë më 12 shtator. Klubet e Superligës dhe Liga profesioniste e futbollit edhe nëpërmjet një komunikate për shtyp bërë mëngjesin e sotëm thotë se bojkoti vijon deri në plotësimin e kërkesave të tyre.

Të mbledhur në Minsk të Bjellorusisë aty ku janë për të ndjekur edhe ndeshjen e Kombëtares 9 nga 10 Presidentët e klubeve kanë vendosur që luftën e tyre për bojkot ta çojnë deri në fund deri në plotësimin e katër kërkesave nga qeveria. Më pas në komunikatë klubet paralajmërojnë se do të protestojnë në çdo shesh e bulevard dhe do të tregojnë gjendjen e mjeruar të klubeve në vend për shkak të politikave të gabuara të qeverisë. Më pas Liga profesioniste fton qeverinë të ulet në tryezë për bisedime dhe fton edhe komunitetin e futbollit shqiptar që t’i mbështesë në këtë nismë. Pra bojkoti i klubeve vijon dhe Superliga nuk do të nisë më 12 shtator.

Deklarata e plotë: 

Sot në mbledhjen e ligës së klubeve të Kategorisë Superiore të Shqipërisë, zhvilluar ne Minsk të Bjellorusisë, morën pjesë 9 klube nga 10 gjithsej. Pas një diskutimi të kujdesshëm dhe serioz, ne presidentët e klubeve vendosëm njëzëri dhe me unanimitet të plotë:

1.Të çojmë deri në fund luftën tonë për plotësimin e katër kërkesave drejtuar qeverisë një muaj më parë:
a. Të ulet TVSH në masën 6%.
b.Të falen gjobat dhe kamatëvonesat e detyrimeve tatimore, fiskale e të sigurimeve të prapambetura.
c. Efektet e pezullimit të tatimit mbi të ardhurat personale të lojtarëve, të shtrihen nga 2 në 10 vite.
d. Te miratohet Ligji i vërtetë i Sponsorizimeve, në vend të mashtrimit të qeverisë, që sot propagandohet si Ligj

Sponsorizimi për Sportin.
2) Të apelojmë komunitetin e futbollit shqiptar, që debuton brenda e jashtë kufijve tanë shtetërorë, bashkësinë e sporteve të tjera, inteligjencën dhe shoqërinë shqiptare, të bashkohen me luftën tonë të drejtë e të ligjshme.

3) Ftojmë Qeverinë, në tavolinën e bisedimeve. Katër kërkesat tona janë një pjesë shumë e vogël e premtimeve gënjeshtare të kahershme e të përsëritura të qeverisë. Qeveria duhet të na dëgjojë dhe t’i plotësojë këto kërkesa minimale.

4) Ne nuk do tërhiqemi nga bojkoti ynë i kampionatit sa kohë nuk do dëgjohemi. Në datën 12 shtator kampionati ynë i Kategorisë Superiore nuk do të luhet. Ne do të protestojmë me qytetari e vendosmëri në bulevardet e Shqipërisë dhe nuk do të kthehemi më në fushat e blerta të stadiumeve, pa u përmbushur të katër kërkesat tona. Ne do të bëjmë të njohur për opinionin e brendshëm dhe atë ndërkombëtar gjendjen katastrofike të klubeve shqiptare për shkak të politikave të gabuara e të papërgjegjëshme të shtetit dhe qeverisë shqiptare.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • One: 04/09/2020 11:58

    Mafiozet e investuar ne futboll duan te hapin deren per evazion fiskal. Keta keshtu i kane bere parate duke vjedhur, manipuluar dhe duke shmangur taksat dhe tani duan ta bejne dhe me ligj.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrau bashkëjetuesen me thikë një vit më parë në Elbasan, Apeli lë në fuqi dënimin me burg përjetë të Ramis Micit

Vrau bashkëjetuesen me thikë një vit më parë në Elbasan, Apeli lë në fuqi dënimin me burg përjetë të Ramis Micit