POP 5

Lajmet më të lexuara të 5 minutave të fundit

Sport

Superliga/ Tirana në pikë të hallit, Dinamo e mposht 2-1 në derbi dhe merr kreun! AF Elbasani ndal 2-2 Partizanin në kryeqytet, Vllaznia fiton kundër Laçit

Te tri pikët doli Dinamo, që mposhti Tiranën në derbi dhe merr kreun e renditjes. Tri pikë për Vllazninë në shtëpi, ndërsa në kryeqytet Partizani dhe AF Elbasani barazuan 2-2.

Superliga/ Tirana në pikë të hallit, Dinamo e mposht 2-1 në derbi dhe merr kreun! AF Elbasani ndal 2-2 Partizanin në kryeqytet, Vllaznia fiton kundër Laçit

Momente nga ndeshjet e sotme

Superliga shqiptare e futbollit nisi këtë të shtunë me tre ndeshjet e para për raundin e 18-të. Te tri pikët doli Dinamo, që mposhti Tiranën në derbi dhe merr kreun e renditjes. Tri pikë për Vllazninë në shtëpi, ndërsa në kryeqytet Partizani dhe AF Elbasani barazuan 2-2.

Në "Elbasan Arena" Dinamo fitoi 2-1 kundër KF Tiranës në derbin e kryeqytetit. Blutë e Ilir Dajës për momentin marrin kreun e renditjes dhe presin nesër ndeshjen e Egnatias. Mes shiut që shoqëroi ndeshjen, Dinamo shënoi dy gola të shpejtë me Qefalijan dhe Nanin në minutat 29-të dhe 30-të. Në fund Tirana shkurtoi me Ndrecën, gol që vleu sa për statistika. Nëse Dinamo me 31 pikë mban kreun, Tirana me vetëm 18 pikë ndodhet në pozitën e shtatë dhe ka pesë ndeshje pa fitore.

Në "Arenën e Demave" Partizani dhe AF Elbasani barazuan 2-2. Mba kaloi të kuqtë në epërsi pas 14 minutash, para se miqtë e Gvozdenovic të përmbysnin me Blaise dhe Musta në pjesën e parë. Janjeva te Partizani barazoi sfidën në pjesën e dytë. Partizani mban pozitën e tretë, teksa elbasanasit vendin e pestë. Te miqtë trajneri i ri Ivan Gvozdenovic merr pikën e parë pas firmës me verdheblutë.

Në "Loro Boriçi" Vllaznia fitoi 2-1 kundër Laçit. Sfida e Shkodrës nisi 11 minuta me vonesë për shkak të problemeve me energjinë elektrike në stadium. Të rinjtë Dodaj dhe Delaj shënuan për vendasit, teksa Bullari nderoi Laçin me golin që shkurtoi shifrat. Vllaznia merr fitoren e dytë radhazi dhe ndan kreun me Dinamon, ndërsa Laçi ka tre ndeshje pa fitore.

Raundi i 18-të i Superligës mbyllet të diel me dy sfida. Në Korçë luhet Skënderbeu - Bylis dhe në Durrës ekipi i Teutës pret Egnatian.

Superliga, raundi 18-të:

E shtunë, 14 dhjetor 2024

16:30 Vllaznia 2-1 Laçi

19:00 Dinamo 2-1 Tirana

19:00 Partizani 2-2 AF Elbasani

E diel, 15 dhjetor 2024 - 16:30

Skënderbeu - Bylis

Teuta - Egnatia

Renditja:

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55