X

POP 5

Lajmet më të lexuara të 5 minutave të fundit

Sport

Superligës i ikën tradita, diskutohet ndryshimi i formulës! Shpresë për Dinamon dhe Skënderbeun?

Rënia nga Superliga e skuadrave me traditë ka rikthyer edhe njëherë diskutimin për ndryshimin e formulës së kampionateve në vendin tonë. Aktualisht kjo çështje po negociohet dhe mund të ketë shpresë për Dinamon dhe Skënderbeun, dy klube që këtë sezon duhet të zbresin në kategorinë e parë.

Futbolli shqiptar po përgatitet për të disatin sezon rradhazi të humbasë skuadra me histori, që bien nga kategoria. Këtë herë fatin e zi do ta kenë Dinamo dhe Skënderbeu, dy klube që në shekullin e ri kanë lënë gjurmë të pashlyeshme. Më herët e kanë pësuar Tirana dhe Partizanin pa harruar edhe Vllazninë me Flamurtarin.

Mirëpo pas shumë diskutimesh dhe kritikash, Komisioni i Posaçëm për Reformimin e Rregulloreve në federatë, ka lëvizur gurët dhe ka kërkuar një propozim nga të gjithë klubet lidhur me sistemin e garës. Më konkretisht implementimin e fazës ‘play-off’ dhe play-out’ apo edhe zgjerimin e skuadrave pjesmarrëse.

Mirëpo deri më tani klubet kanë heshtur, duke lënë menjëanë këtë mundësi që rrallherë mund ta kenë pasur. Ligjërisht ndryshimet, nëse ndodhin, hyjnë në fuqi në sezonin 2023-2024, por këtë herë gjasat janë që të mbyllet një sy në favor të Dinamos dhe Skënderbeun.

Nëse propozohet zgjerimi i Superligës me 12 apo 14 skuadra atëherë si ‘nëndetësja’ ashtu edhe korçarët do qëndronin në elitë. E sigurtë është se tani për tani nuk ka asgjë të sigurtë sa i përket këtij aspekti për sezonin e ardhshëm.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni punën e Gjykatave e Prokurorive në qarqe?

Lajme të tjera



×

Lajmi i fundit

SHBA/ Zhduket vajza minorene e miliarderëve të njohur

SHBA/ Zhduket vajza minorene e miliarderëve të njohur

26 Prill, 10:43