Presidenti i Serbisë, Aleksandar Vuçiç, ka deklaruar sot se pajtohet për rishikimin e kufijve me shqiptarët në Kosovë.
"I qëndroj idesë për rishikimin e kufijve me shqiptarët" - është shprehur presidenti i Republikës së Serbisë, Aleksandar Vuçiç. "Zgjidhja për Kosovën dhe Metohinë duhet të jetë gjithëpërfshirëse dhe jo e njëanshme siç dikush mendon që të jetë e tillë", është shprehur Vuçiç. "Unë i qëndroj kësaj ideje dhe s’kam përse ta fsheh dhe sigurisht flas edhe në emër të partisë politike që përfaqësoj dhe nëse do të mbështetet apo jo nga populli, unë sërish jam për rishikim të kufijve me shqiptarët" - tha Vuçiç para gazetarëve në qytetin e Shid-it ku vizitoi fabrikën e nënprodukteve të mishit.
"Nëse kemi një territor që nuk dihet sesi trajtohet dhe kujt i përket, gjithmonë lypset të jetë burim i konflikteve dhe problemeve të mundshme", ka sqaruar Vucic. "A mundemi të jemi të suksesshëm në planin për rishikimin e kufijve, nuk varet vetëm nga ne, u shpreh Vuçiç, duke dhënë shembullin se për tangon, nevojiten dy persona. "Zgjidhja për Kosovën dhe Metohinë nëse do të ketë, duhet të jetë gjithëpërfshirëse dhe jo e njëanshme dhe jo me pasoja ashtu si dikush mendon", u shpreh Vuçiç.
Presidenti serb u shpreh se në diferencë nga Thaçi dhe Haradinaj dhe disa prej vendeve perëndimore, ata dhe publiku vendas janë në dijeni se ata kurrë nuk kanë qenë pjesëmarrës në bisedime dhe nuk kanë biseduar për këtë cështje. Vuçiç kështu nuk ka dashur të shprehet më hollësishëm për këtë temë sepse do të shkatërronte sipas tij, pozitën e Sërbisë. "Nuk jam i papërgjegjshëm dhe nuk dua të dal me deklarata të mëdha patriotike", është shprehur ai duke vazhduar se në aktivitetin e tij ai ka punuar vetëm për interesin më të mirë të Sërbisë.
Presidenti serb u shpreh se e ka të qartë se çfarë mendon kur ndodhet afër një zgjidhje të prekshme. "Plani duhet të jetë i gjithëpranueshëm dhe më shumë se kaq dhe jo të jetë i njëanshëm". Vuçiç u shpreh se nuk mund të flasë për çfarë do të bisedojë me shqiptarët e Kosovës sepse kjo është të luash me karta të hapura. Ai garantoi se nuk do të ketë zgjedhje të parakohshme as referendum më 4 nëntor ashtu siç spekulohet nga opozita serbe.
Ishte presidenti i Kosovës, Hashim Thaçi ai i cili lançoi tezën e rishikimit të kufijve të Kosovës me Serbinë. Thaçi propozoi referendum për bashkimin e Luginës së Preshevës me Kosovën, ndërsa kritikët e quajtën këtë si pazar me Serbinë e cila kërkon me ngulm Veriun e Kosovës. Kundër Thaçit është pozicionuar edhe kryeministri Ramush Haradinaj, i cili ka deklaruar se cenimi i kufijve të Kosovës çon në luftë.
Komente
Lajme të tjera
-
BOKS/ Alban Beqiri dhe Besian Karaj kampion të Ballkanit për peshat 67 dhe 71 kg, fitojnë mes Serbisë
23 Nëntor, 15:57 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
Vuçiç dhe Fico: Ukrainës i duhet një armëpushim sa më shpejt të jetë e mundur! Po shkohet drejt katastrofës
21 Nëntor, 21:18 -
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
BE-ja i kërkon Serbisë ta sqarojë pasivizimin e adresave të shqiptarëve në Luginë
21 Nëntor, 16:02 -
Serbi/ 11 të arrestuar, për shembjen e çatisë në stacionin e trenit në Novi Sad që vrau 15 persona
21 Nëntor, 13:56 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06
Normal qe pajtohet ky se me fitim do dale do marri dhe Mitrovicen e ta leje Kosoven me gisht ne
Përgjigju