Të trembim frikën
Trembem dhe unë duke ecur në mbrëmje rrugës për shtëpi. Dje, më shumë se ndonjë ditë tjetër. Nëse rastësisht apo qëllimisht, ato plumba që u shkrepën për dy vajza të reja 35 dhe 25 vjeçare në Tiranë, ndonjë ditë mund të drejtohen drejt meje? Drejt teje? Drejt të gjithëve?
Trembem dhe unë duke ecur në mbrëmje rrugës për shtëpi. Dje, më shumë se ndonjë ditë tjetër. Nëse rastësisht apo qëllimisht, ato plumba që u shkrepën për dy vajza të reja 35 dhe 25 vjeçare në Tiranë, ndonjë ditë mund të drejtohen drejt meje? Drejt teje? Drejt të gjithëve?
Ankthi i së enjtes në mbrëmje, nuk ishte vetëm i vajzave. Ishte i çdo familjeje shqiptare. Nënat dhe baballarët, ndërsa dëgjonin në ekranet e televizioneve se dy vajza janë qëlluar me armë në kryeqytet, në zemër të tij, nxituan të telefonojnë vajzat e tyre kudo që i kishin. Vetëm për t’i dëgjuar zërin. E ç’ndodh? Blogjet e ndryshme u mbushën me komente, edhe të tipit: po ja konviktore, pse bredhin me dashnorë!!! Ndërsa Megi, luftonte me vdekjen në sallën e operacionit tre orë me radhë, vetëm se qëlloi rastësisht në momentin e gabuar, në vendin e gabuar.
Debatet, zgjatën vetëm pesë orë. Më pas fillon normaliteti. Policia bën mbledhje për tre orë, por vrasjet, ende nuk kanë një autor që është arrestuar. Qytetarët kthehen në punërat e tyre duke thënë: sa gjynah të shkretat.
Asnjëra nga vajzat, as Eleni farmacistja, as Megi stomatologia, nuk kanë qenë vajza për gjynah. Të nderuara dhe respektuara në pozicionet dhe kualifikimet e tyre. Vajza të shkolluara. Krejt të reja në moshë, pa e shijuar dot jetën deri në fund siç do të kishin ëndërruar. Po ne? Të mbërthyer në hallet e ditës, në varfërinë që na këput shpirtin, mbetur pa punë e pa shpresë, endemi sa në një kanal televizioni tek tjetri, duke shkuar nga një histori vrasjesh, tek një histori romësh që kërkojnë strehim në zyrat e Avokatit të Popullit.
Tani, vetëm një gjë duhet të na japë kurajo për të ecur: të trembim frikën. Nuk jemi në Shqipërinë e pasigurt dhe plot shpresë të viteve 90, as në Shqipërinë plot krime dhe pa shpresë të vitit 1997. Jetojmë në shekullin e 21-të dhe duhet të gjejmë kurajon për të thënë stop: për të kërkuar llogari nga ata që kemi zgjedhur për të na krijuar një jetë të sigurt. Dje në mbrëmje, ndërsa kërkonim informacion nga zyrtarët e policisë për viktimat dhe mënyrën sesi kishte ndodhur ngjarja, në anën tjetër të telefonit polici, i irrituar përgjigjej: Për cilin nga krimet e ke fjalën!!!! Tmerr. Tani ato vajza, janë thjesht një statistikë.
Sondazhi i ditës:
Censi 2023, popullsia u tkurr me 419 mijë në 12 vite, cili është shkaku?
-
Emigrimi
78.9%
-
Lindshmëria
17.3%
-
Vdekshmëria
3.8%
Vota total: 2251
Votat totale janë unike
Lajme të tjera
-
Divjakë/ Hidhet lëndë plasëse në oborrin e një shtëpie, nuk ka të lënduar
30 Qershor, 14:28
-
Pogradec/ Mbyllet edicioni i 14 i festivalit ballkanik të filmit dhe kulinarisë
30 Qershor, 14:18
-
Skandali te Onkologjiku, Rama mbledh nesër shefat e shërbimeve në QSUT
30 Qershor, 13:53
-
Rama: Brenda vitit përfundon rruga e Dukagjinit! Gati ‘paketa e maleve’, do iu jepet leja për ndërtim ndërsa prisni marrjen e tapisë
30 Qershor, 13:50
-
Pogradec, po transportonte 17 emigrantë të paligjshëm drejt Tiranës, arrestohet 25-vjeçari
30 Qershor, 13:48
-
Golem/ Muzikë të lartë gjatë natës, shqetësohen banorët, procedohet penalisht administratori i lokalit
30 Qershor, 13:41
-
‘Atyre të PD u ka rënë sakica në mjaltë’, Rama i jep certifikatën e pronësisë Kishës në Theth: Ata ngroheshin në diell, punën e tyre e bëjmë ne
30 Qershor, 13:24
-
Vuçiç: Sulmuesi i rojës së ambasadsës izraelite ishte i trajnuar mirë
30 Qershor, 13:17
-
'Desh na ndatë nga Amerika', Rama i jep tapinë demokratit në Theth: S’ta dha partia, por qeveria
30 Qershor, 13:15
-
Skandali i Onkologjikut/ Erjon Dasho për Repot Tv: Ky fenomen vazhdon prej 30 vitesh i përfshirë në çdo qelizë të shëndetësisë
30 Qershor, 12:57
-
‘Komandant suprem po të presim', Veriu i Kosovës mbushet me postera të presidentit serb, Vuçiç
30 Qershor, 12:52
-
Rama jep 200 certifikata pronësie në Theth, edhe për Kishën: Falim gjobat për ndërtimet pa leje! Brenda vitit përfundon rruga e Dukagjinit
30 Qershor, 12:51