POP 5

Lajmet më të lexuara të 5 minutave të fundit

Politikë

Tabaku: Shqipërisë i shtohen 230 mijë të varfër, shkak keqqeverisja dhe korrupsioni

Ish-deputetja demokrate, Jorida Tabaku duke iu referuar raportit të UNDP, shprehet se Shqipërisë i janë shtuar plot 230 mijë të varfër nga keqqeverisja dhe korrupsioni dhe sipas saj të njëjtin lajm të keq paralajmëroi edhe Banka Botërore.

Tabaku: Shqipërisë i shtohen 230 mijë të varfër, shkak keqqeverisja dhe korrupsioni

Ish-deputetja demokrate, Jorida Tabaku duke iu referuar raportit të UNDP, shprehet se Shqipërisë i janë shtuar plot 230 mijë të varfër nga keqqeverisja dhe korrupsioni dhe sipas saj të njëjtin lajm të keq paralajmëroi edhe Banka Botërore.

Tabaku thotë se nëse qeveria s'do kish harxhuar paratë e marra borxh, taksat e çdo burim tjetër të ardhurash për tendera e koncesione korruptive, atëherë shpenzimet për shëndetësinë nuk do të ishin më të ulëtat në rajon.

Statusi i plotë i Jorida Tabakut

Shqipëria po përjeton një krizë të thellë sociale dhe shëndetësore.  Kriza e thellë ekonomike përditë përjetohet nga të gjithë shqiptarët dhe raportohet nga partnerët. UNDP është një tjetër institucion ndërkombëtar që konfirmon mjerimin ku qeveria i la shqiptarët.

Nëse qeveria s'do kish harxhuar paratë e marra borxh, taksat e çdo burim tjetër të ardhurash për tendera e koncesione korruptive e për bojatisje qytetesh qe sot janë zbrazur, nese taksat e rritura të shqiptarëve nuk do shpërdoroheshin dhe vidheshin, atëherë shpenzimet për shëndetësinë nuk do të ishin më të ulëtat në rajon, paketat e ndihmës ekonomike nuk do të ishin më të ulëtat në Ballkan sa 0.86% e PBB-së.

Shqipëria po shkon drejt dyfishimit të ushtrisë së të varfërve. UNDP parashikon që kjo shifër rritet me 230 mijë të varfër më shumë në vend. Të njëjtin lajm të keq paralajmëroi edhe Banka Botërore e cila deklaroi se kriza ekonomike do godasë më rëndë shtresat margjinalizuara dhe të mesme që kanë paguar taksat e rritura nga Rama këto 7 vite.

Qeveria është shumë larg nevojave dhe kërkesave të momentit. Sot ekonomia duhej te ishte ne shërbim të shtresave në nevojë, te bizneseve të vogla, të familjeve shqiptare, të fermerëve, studentëve e te rinjve, ndërkohë që ndodh e kundërta: Bizneset e vogla dhe të mesme po vuajnë konsumin e ulët, familjet po harxhojnë çdo kursim e po marrin borxhe për të mbijetuar e shlyer borxhet ndërsa vendi rrezikon papunësinë e 100 mijë shqiptarëve të tjerë dhe një rënie ekonomike prej 9%.

Zgjidhja e vetme e shqiptarëve është beteja për të ndryshuar kursin fundosës ku e ka futur Shqipërinë qeveria Rama. Është nevoja që ekonomia të vihet në shërbim të gjithë qytetarëve e të mos punojë për një pakicë klientësh të qeverisë.

Zgjidhja dhe zgjedhja për shumicën e shqiptarëve është programi ekonomik i PD që ofron mundësi per ata që punojnë e jo ato që vjedhin, që vlerëson punën dhe jo korrupsionin, që i ofron mundësi të rinjve e jo kriminelëve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • berti: 07/08/2020 18:32

    Cfar thote kjo hardhuca.....

    Përgjigju
    • Zullumi: 07/08/2020 21:26

      Piliveca thuaj

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

Shkodër/ Në kërkim për armëmbajtje pa leje, arrestohet 28-vjeçari! Në pranga edhe një 24- vjeçar, theu masën e arrestit të shtëpisë

24 Nëntor, 10:00