Tabaku:Shtyrja e Ligjit të lojërave
të Fatit,favor për klientët e Qeverisë

Për Partinë Demokratike, shtyrja e hyrjes në fuqi të lojërave të fatit lidhet me interesa klienteliste ndaj subjekteve pranë Qeverisë.

Në një prononcim për Mediat, Deputetja Jorida Tabaku, tha se ligji i miratuar prej kohësh do të kontribuojë në uljen e informalitetit në këtë sektor, gjë që nuk u vjen për shtat disa subjekteve. 

“Nuk është absolutisht çudi për mua, në kuadrin e të gjitha vendimeve që kjo qeveri klienteliste ka marrë shtohet edhe kjo. Në mënyrë konkrete mund të lidhet edhe me interesa klienteliste që mund të kenë persona pranë qeverisë të cilët ndoshta kanë bërë lobim gjatë kësaj kohe dhe kanë arritur në këtë rezultat. Edhe vetë e pranonin që do të kishte të paktën 125 milionë dollarë të munguar në buxhetin e shtetit. Një qeveri e cila çdo gjë që nis e lë përgjysmë, një qeveri që nuk ka absolutisht asgjë seriozisht përveç i interesit të miqve dhe klientëve është shembulli më i mirë i shtyrjes së afatit të këtij ligji”, është shprehur Tabaku.

Shtyrja edhe me dy vjet të tjerë të efekteve të ligjit të ri për lojërat e fatit është kërkuar nga një grup prej 6 deputetësh. Synimi duket se është që të mos zbatohen rregullat e reja, të paktën edhe në periudhën e Botërorit të Futbollit 2018.

Redaksia Online
Al.N.Shqiptarja.com