Tahiri çështje e mbyllur për Ramën! Gjykata vendos burg për ish-ministrin, kryeministri falenderon shqiptarët për Këshillimin Kombëtar

Pas minuta pas vendimit të GJKKO për Saimir Tahirin duke e dënuar me 3 vite e 4 muaj burg për shpërdorim detyre, kryeministri Edi Rama ka reaguar në rrjetin e tij Facebook, duke falënderuar qytetarët që kanë plotësuar pyetësorin për Këshillimin Kombëtar.

Duket se Tahiri është çështje e mbyllur për Ramën, i cili e ka bërë të qartë gjithmonë se kushdo duhet të përballet i vetëm i më drejtësinë dhe se PS nuk do të shërbejë si mburojë. Saimir Tahiri ka qenë ministër i brendshëm i qeverisë Rama në periudhën 2013-2017

"Faleminderit, 130,326 qytetarë kanë dhënë përgjigjet për 12 pyetjet që adreson qeveria shqiptare në Këshillimin Kombëtar

LEXO EDHE:
Raporti i 'Reporterëve pa Kufij' për lirinë e medias, Rama: Marrim masa për të përmirësuar mjedisin mediatik dhe të drejtat e gazetarëve

76,117 qytetarë janë përgjigjur online në https://keshillimikombetar.al

54,209 qytetarë kanë kthyer pyetësorët e plotësuar që u kanë mbërritur në banesë me postë", shkruan Rama.

Veçse plotësimit online, formularët e Këshillimit Kombëtar për Shqipërinë u janë dërguar tashmë qytetarëve në shtëpi. Ata mund t’i plotësojnë dhe më pas me anë të një zarfi mund t’i dërgojnë me postë falas në kryeministri. Po ashtu çdo bashki do të hapen pika të posaçme ku mund të plotësohen formularët. Nga vaksinimi i detyrueshëm te legalizimi i kanabisit, janë disa nga pyetjet që qytetarët do të japin opinionin e tyre përmes Këshillimit Kombëtar. Pyetësori prej katër faqesh, i mbështetur në 5 shtylla, familja, lufta kundër krimit, ekonomi, punësim e integrimi i vendit, nis me pyetjen nëse duhet bërë diferencim për nënat që rrisin 3 ose më shumë fëmijë të mitur në përfitimin e mbrojtjes së veçantë sociale nga shteti.

TAG:
• edi rama
• denohet saimir tahiri
• keshillimi kombetar