Shpenzime marramendëse? Ironia e Tahirit: S' kam fjetur në hotele me 900 € kur isha ministër

Në fjalën e tij, në përfundim të seancës gjyqësore, Tahiri u është përgjigjur edhe akuzave se gjatë kohës që ishte ministër i Brendshëm ka shpenzuar shuma të mëdha në hotele dhe se në pronësi të tij janë toka dhe shtëpi në disa vende në të BE-së. Ai tha se një gjë e tillë nuk është aspak e vërtetë, dhe se për mund të faktojë me letër-porosi nga çdo shtet i Europës.

"S'kam asnjë kod, unë jam shumë i drejtpërdrejt, përtoj të gënjej, e kam kollaj të them çfarë mendoj drejtpërdrejt. E përmenda atë që unë kam shpenzuar 140 euro ndërsa të tjerë 900 euro nata në hotel, siç përmenda edhe veten se më kanë akuzuar që kam përdorur hotel 1 mijë euro nata. Unë  faktoj me letër porosi nga të gjitha vendet e BE që thonë që unë nuk kam asnjë pasuri, asnjë tokë asnjë shtëpi as një makinë në ato vende, dhe nuk kam pasur shpenzime marramendëse. Sic jua ka hedhur prokuroria që thotë se ka fjetur me 1 mijë euro, prova më e mirë është ajo që dhashë në gjykatë, ku autoritetet italiane kanë pyetur çdo hotel dhe çdo restorant ku kam ndenjur kur isha ministër, dhe maksimumi ishte 140 euro", u shpreh ai.  

Lajmi kryesor:

Prokuroria kërkon 8 vite burg për ish-ministrin Tahiri: Nuk e çoj ndërmend të dënohem, besoj tek e vërteta ime /Video

G.M./B.K./Shqiptarja.com

TAG:
• trafik droge
• saimir tahiri
• habilajt
• krimet e renda