Tahiri kujton arritjen e tij më të madhe: Mos harroni KURRË ministrin që isha

Një akuzë absurde e ka konsideruar ish-ministri Tahiri, teksa në vëmendje ka sjellë një nga arritjet e tij më të mëdha teksa drejtonte ministrinë e Brendshme: Pastrimin e Lazaratit nga droga. Nga kjo, shprehet Tahiri, është logjike për të kuptuar se akuzat nuk qëndrojnë.

"Ata më akuzonin për trafik droge në një kohë që ne luftonim Lazaratin. Si mund t'i bëja të dyja? Mos harroni kurrë ministrin që isha dhe luftën që kam bërë kundër drogës. Ndërkohë që luftoja Lazaratin t'i shkelja sytë disa trafikantëve? Është gënjeshtër e madhe që mu desh kohë ta çmontoja, shpresoj të shkojë mirë deri në fund. Unë nuk kam marrë asnjë provë të re, kam analizuar vetëm provat e prokurorisë. Jaeld Çela nuk ka qenë as drejtor a polic në Vlorë kur ata na akuzojnë që kemi bashkëpunuar në trafik droge. Kjo hyn tek betejat më të rëndësishme të jetës sime, dhe këtë betejë e kam përballur si qytetar, se ika si deputet. Unë dhashë dorëheqjen nga të gjitha, për tu përballur si qytetar vetëm me lëkurën time. Mua më intereson drejtësia dhe drejtësia bashkë me lirinë, jo i ndrydhur brenda korridoreve të pushtetit" tha ai.  

Lajmi kryesor:

Prokuroria kërkon 8 vite burg për ish-ministrin Tahiri: Nuk e çoj ndërmend të dënohem, besoj tek e vërteta ime /Video

B.K./r.k./Shqiptarja.com

TAG:
• trafik droge
• saimir tahiri
• habilajt
• krimet e renda