POP 5

Lajmet më të lexuara të 5 minutave të fundit

Arkiva

Tahiri: Të merret në pyetje Shkëlzen Berisha për Gërdecin

Gjate debateve ne Kuvend ministri Samir Tahiri akuzoi perseri djalin e ish-kryeministrit, Shkelzen Berisha per lidhje direkte me tragjedine e Gerdecit, qe ndodhi ne mars te vitit 2008 dhe ku humben jeten 26 vete.

"Por s’kam si t’u besoj punëve tuaja, s’kam si t’i besoj, megjithë dashamirësinë time, s’kam si t’i besoj asaj që ju keni bërë deri dje kur ishit në detyrë!
Dhe kur dilnit këtu në këtë foltore si kryeministër, me gjithë tagrin, fuqinë për të punuar që këto të ndodhnin.

Dhe s’kam si t’i besoj kur djali juaj merrte fakse më shënimin “Për Zenin”, nga një Ministër i juaji, për atë që më pas në Gërdec, la 26 qytetarë të vrarë.
Ç’punë kishte djali juaj të merrte fakse nga Ministria e Drejtësisë në Ministrinë e Mbrojtjes?! E keni pyetur ndonjëherë në shtëpi?! Se Prokuroria nuk e ka pyetur si qe të paktën djalin tuaj, por ju?! E keni pyetur ndonjëherë djalin ç‘punë kishte ky që merrte fakse për “Gërdecin”!?

Dhe në qoftë se e keni pyetur, pse nuk dilni këtu si baba i mirë dhe si qytetar i ndërgjegjshëm të na shpjegoni dhe ne kuriozëve – ç‘punë kishte djali juaj të merrte fakse për “Gërdecin”!?

Besoj ju kujtohet fort mirë, një shtetas amerikan, i përgjuar, të thoshte: “Kafshët kanë dalë jashtë kontrollit! Kjo punë ka shkuar shumë larg, deri te djali i Kryeministrit!”

Unë sigurisht nuk mund të aludoj që djali juaj është njëlloj me kafshët, por sigurisht mund të aludoj që në atë që ndodhi, djali juaj ishte drejtpërdrejt i përfshirë!
Për cilën arsye, pse nuk keni dalë kurrë këtu dhe të jepni një përgjigje të vetme?!

Në mos të jepni një përgjigje për atë që ka bërë djali juaj, pse nuk keni dalë kurrë t’i bëni thirrje Prokurorisë të hetojë? Qoftë dhe për fëmijën tuaj!"

Emri i Shkelzen Berishes eshte lidhur disa here me tragjedine e Gerdecit pikerisht per lidhje e ngushta qe ai kishte me Mihal Delijorgjin, pronari i impiantit te demontimit qe shpertheu duke shkaktuar masakren dhe per lidhjet me ministrin e Mbrojtjes se asaj kohe, Fatmir Mediu, qe i kishte autorizuar te gjitha lejet e aktivitetit te Delijorgjit.

Mihal Delijorgji u arrestua dhe u denua, ndersa Shkelzen Berisha as nuk eshte marre ne pyetje qofte nje here te vetme nga prokuroria.

/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57