POP 5

Lajmet më të lexuara të 5 minutave të fundit

Politikë

Tahiri-UGJSH: Drejtësia pavarësi
nga korrupsioni por jo nga ankimet

Ministri i Brendshëm Saimir Tahiri ka reaguar ndaj deklaratave të Unionit të Gjyqtarëve të Shqipërisë, ku sipas kësaj të fundit, kërkesa për ndëshkim të gjyqtarëve nga përfaqësues të lartë të politikës dhe ekzekutivit cënon lirinë dhe pavarësinë e vetë sistemit të drejtësisë.
Tahiri-Nishanit: Ja 25 vendime me shkelje, ndëshko gjyqtarët!
Nishani: Detyrë e ministrit Naço të verifikojë dhe ndëshkojë gjyqtarët
MB-Nishanit: KLD në dijeni të shkeljeve, jo më lojëra përcjellëse!
 
TIRANE - Ministri i Brendshëm Saimir Tahiri ka reaguar ndaj deklaratave të Unionit të Gjyqtarëve të Shqipërisë, ku sipas kësaj të fundit, kërkesa për ndëshkim të gjyqtarëve nga përfaqësues të lartë të politikës dhe ekzekutivit cënon lirinë dhe pavarësinë e vetë sistemit të drejtësisë.

Përmes një postimi në rrjetet sociale, Ministri Tahiri, thekson se sistemi i drejtësisë duhet të jetë i pavarur nga korrupsioni por jo nga vërejtjet dhe ankesat. Ministri i Brendshëm nënvizon se pavarësia e gjyqësorit nuk mund të jetë hermetike, ndaj çdo vlerësimi të jashtëm, por kapacitet për të garantuar ligjin dhe paanshmërinë në gjykim.

Sipas Tahirit, reagimi i bërë sot nga ana e Unionit të Gjyqtarëve, në lidhje me vendimet skandaloze të bëra nga togat e zeza, është cenim i pavarësisë së gjyqësorit më shumë se çdo gjë tjetër.

“Nuk mund te kete pavaresi nga ankesat/verejtjet, por pavaresi nga korrupsioni dhe pazaret me drejtesine. Pavarsia e gjyqesorit nuk mund te jete pavaresi hermetike e korporates nga cdo gjykim e vlersim i jashtem, por kapacitet per te garantuar ligjin, transparencen, drejtesine dhe paanshmerine, nga korrupsioni, pushteti, paraja, e shume te tjera. Nuk kam pare ende asnje union gjyqtaresh a shoqate tjeter, te reagoje per vendime skandaloze te gjyqsorit. Keto e cenojne pavarsine me shume se gjithcka tjeter.” shkruan Tahiri në Facebook.

tahiri fb

Dirtën e sotme Unioni i Gjyqtarëve të Shqipërisë, në një komunikatë për shtyp theksonte se përfaqësues të pushteteve të tjera nuk mund të anatemojnë vendimet e gjykatave e aq më keq, të kërkojnë ndëshkimin e gjyqtarëve. UGJSH-Tahirit: Nuk mund të kërkosh ndëshkimin e gjyqtarëve

Deklarata ka të bëjë me letrën e dërguar nga Ministri i Brendshëm Saimir Tahiri drejtuar Presidentit të Republikës Bujar Nishani për ndëshkimin e gjyqtarëve që marrin vendime në shkelje me ligjin, duke liruar kriminelët e arrestuar. Bashkangjitur letrës, Ministri Tahiri i përcolli Presidentit Nishani, në cilësinë e kreut të Këshillit të Lartë të Drejtësisë, edhe 25 vendime konkrete me shkelje të gjykatave, për të cilat nuk është marrë ende asnjë masë nga KLD.Tahiri-Nishanit: Ja 25 vendime me shkelje, ndëshko gjyqtarët!

Në përgjigjen e tij, Nishani shprehej se shqetësimin e ngritur do të ia përcillte Ministrisë së Drejtësisë, edhe pse letra e Tahirit i ishte dërguar edhe ministrit Nasip Naço. Sipas Nishanit është detyrë e Ministrisë së Drejtësisë për të verifikuar dhe nisur procedimet penale për rastet e denoncuara.Nishani: Detyrë e ministrit Naço të verifikojë dhe ndëshkojë gjyqtarët

Megjithatë në një reagim të dytë, Ministria e Brendshme, theksonte se edhe Këshilli i Lartë i Drejtësisë është në dijeni të shkeljeve, por sërish nuk ka masa ndaj gjyqtarëve. MB nënvizonte se këto “lojëra përcjellëse postare” kanë sjellë këtë gjyqësor ku drejtësia blihet e shitet.MB-Nishanit: KLD në dijeni të shkeljeve, jo më lojëra përcjellëse!

Redaksia Online
(e.c/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Të akuzuar në Itali dhe Suedi për trafik narkotikësh dhe kanosje për vrasje, kapen 3 persona të shpallur në kërkim (EMRAT)

Të akuzuar në Itali dhe Suedi për trafik narkotikësh dhe kanosje për vrasje, kapen 3 persona të shpallur në kërkim (EMRAT)

9 Janar, 08:41