POP 5

Lajmet më të lexuara të 5 minutave të fundit

Kosova & Rajoni

Takim Kurti – Vuçiç në Bruksel përpara fundit të janarit! Lajçak dhe Escobar në Prishtinë dhe Beograd në fundjavë

Brukseli kërkon që të ketë një takim Kurti – Vuçiç përpara fundit të janarit për të vënë përpara punën me planin franko – gjerman. Në fundjavë, për të ulur palët në tavolinë, në Prishtinë dhe Beograd, do të mbërrijnë emisarët Lajçak dhe Escobar.

Të premten mbërrijnë në Prishtinë dy diplomatët e lartë të BE-së dhe Amerikës, Miroslav Lajçak dhe Gabriel Escobar. Në fokous të takimit të tyre me autoritetet në Prishtinë pritet të jenë përgatitjet për takimin e radhës në Bruksel mes Albin Kurtit dhe Aleksandër Vuçuçit.

Amerikanët dhe evropianët po i japin shtysë të re dialogut për të shkuar drejt një marrëveshjeje përfundimtare që ka në qendër njohjen reciproke. Në themel të dialogut në Bruksel është plani franko – gjerman, i cili mbështetet edhe nga amerikanët.

Mediet në Prishtinë shkruajnë se gjatë takimeve që Escobar dhe Lajçak do të kenë në Prishtinë dhe Beograd, fokusi kryesor do të jetë propozimi për një marrëveshje bazë krahas organizimit të takimit Kurti – Vuçiç për arritjen e marrëveshjes për këtë propozim.

Synimi i Brukselit është që takimi Kurti-Vuçiq të bëhet para fundit të janarit. Ndërkohë, një problem i shfaqur në marrëdhëniet mes Prishtinës dhe Beogradit është fushata serbe kundër pavarësisë së Kosovës dhe anëtarësimit të saj në organizatat ndërkombëtare që ka nisur në 2017-ën. Diplomatët kosovarë kanë intensifikuar takimet me homologët e tyre që vijnë nga shtetet që Serbia pretendon se kanë tërhequr njohjen e Kosovës, shkruajnë mediet në Prishtinë.

Diplomatët e Kosovës janë takuar me homologë të ndryshëm të vendeve që Serbia pretendon se kanë tërhequr njohjen, duke nxjerrë në pah se Beogradi më shumë bën propagandë se ka tërheqje të njohjeve të pavarësisë. Sipas ekspertëve të fushës të së drejtës ndërkombëtare nuk mund të tërhiqen njohjet.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu