POP 5

Lajmet më të lexuara të 5 minutave të fundit

Ekonomi

Takim mes krerëve të Doganave Shqipëri-Kosovë: Thjeshtimi i procedurave doganore do lehtësojë tregtinë mes dy vendeve

Lehtësimi i tregtisë dhe krijimi i një klime të favorshme për biznesin është një prioritet në bashkëpunimin midis dy Administratave Doganore të Shqipërisë dhe Kosovës.

Takim mes krerëve të Doganave Shqipëri-Kosovë: Thjeshtimi i procedurave doganore do lehtësojë tregtinë mes dy vendeve

Lehtësimi i tregtisë dhe krijimi i një klime të favorshme për biznesin është një prioritet në bashkëpunimin midis dy Administratave Doganore të Shqipërisë dhe Kosovës. Gjatë një takimi bilateral midis krerëve të Doganave të dy vendeve, Genti Gazheli dhe Agron Llugaliu, organizuar në Morinë, ku ishte i pranishëm dhe Ambasadori i Shqipërisë në Kosovë, Qemal Minxhozi, u ra dakord që të rritet bashkëpunimi në disa fusha.

Drejtori i Përgjithshëm i Doganave Shqiptare, Gent Gazheli, vlerësoi bashkëpunimin e deritanishëm, ndërsa shprehu gatishmërinë për ta çuar më tej këtë nismë që tashmë është konkretizuar me projekte të përbashkëta. Ky bashkëpunim do të intensifikohet në shkëmbimin e informacionit dhe në ngritjen e një grupi të përbashkët teknik për lehtësim të procedurave për operatorët ekonomikë të të dy vendeve.

Drejtori i Doganave të Kosovës, Agron Llugaliu, e konsideroi këtë si një lehtësi për biznesin shqiptar të të dy vendeve, duke çuar përpara vullnetin e dy Qeverive.

Lehtësitë e procedurave në dy sistemet doganore do të ulin, jo vetëm kohën e procesimit për biznesin, por edhe reduktim të kostove për to.

Gjithashtu krerët e dy administratave doganore, zhvilluan dhe një takim me përfaqësues të biznesit, ku u njohën nga afër me shqetësimet e tyre në lidhje me procedurat doganore. Angazhimi i shtuar dhe vullneti i të dy administratave doganore pritet të sjellë një qasje ndryshe për sipërmarrjet e të dy vendeve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Milani përballet me Real Madridin, Fonseca: Jemi të motivuar, Leao luan nga minuta e parë

Milani përballet me Real Madridin, Fonseca: Jemi të motivuar, Leao luan nga minuta e parë

5 Nëntor, 15:19