Takimi i Krajës me Tabakun, reagon SPAK: U kërkua nga deputetja, jemi të pavarur! Marrim çdo indicie për inceneratorët

Pas debatit të ashpër të paradites së sotme në Komisionin Hetimor Parlamentar për Inceneratorët, ku PS tha se do të denonconte në SPAK Jorida Tabakun pas një takimi të saj me kreun e Prokurorisë së Posaçme, Arben Krajën, ka ardhur edhe reagimi i këtij institucioni.

"Drejtuesi i Prokurorisë së Posaçme zhvilloi një takim me zonjën Jorida Tabaku, deputete e Kuvendit të Republikës së Shqipërisë, Kryetare e Komisionit Hetimor të ngritur nga Kuvendi për inceneratoret. Takim u zhvillua me kërkesë të zonjës Tabaku. Prokuroria e Posaçme është e vendosur që të administrojë çdo fakt dhe çdo indicie që lidhet me hetimin e procedimeve penale të regjistruara për çështjen e inceneratoreve, ngado që të vijnë, aq më shumë nga Komisioni Hetimor i ngritur nga Kuvendi. Nga ana tjetër, sigurojmë opinionin publik se prokurorët janë të pavarur në veprimtarinë e tyre hetimore, në vendimmarrjen e tyre dhe do të analizojnë me ligjshmëri, objektivitet dhe paanësi çdo pretendim, indicie apo provë që paraqitet nga të gjithë palet që kanë dijeni rreth procesit për të cilin po hetohet", thuhet në reagimin e SPAK.

LEXO EDHE:
Spastrimi nga ‘tradhtarët’ e nepotizmi, nesër konventa ‘kuqezi’ e PL! Sulme ndaj SPAK e ‘vizitë’ te Berisha

Lajmi kryesor:

Inceneratorët/ PS çon në SPAK Tabakun: Shkeli ligjin, takoi kreun e SPAK pa autorizim! Deputetja: Felaj, në konflikt interesi! Reagon Basha: Po bëjnë gjithçka për t'i ikur drejtësisë

K.T./Shqiptarja.com

TAG:
• komisioni hetimor per inceneratoret
• ERMONELA FELAJ
• Jorida Tabaku
• spak
• arben kraja