Takimi sekret, tre kryetarët
e PD-së mblidhen për statutin 

TIRANE- Tri kryetarët e Partisë Demokratike zhvilluan një takim sekret në selinë e re. Ditën e djeshme, pas zhvillimit të homazheve në memorialin e Azem Hajdarit, Eduard Selami, Sali Berisha dhe Lulzim Basha kanë zhvilluar një takim në ambientet e selisë së Partisë Demokratike. Ky takim midis tri drejtuesve të PD-së, të ndryshëm në kohë, është zhvilluar në mënyrë të fshehtë pa njoftuar mediat dhe ka zgjatur për rreth 30 minuta. Burime nga selia blu bëjnë me dije se takimi Selami, Berisha dhe Basha është zhvilluar për ndryshimin e statutit të Partisë Demokratike si edhe për pozicionin që ish-kryetari i PD-së do të marrë tani më Partinë Demokratike të reformuar në të gjitha strukturat e saj.