Taksa e banesës me faturën e ujit, Haxhimali: Pozitive për qytetarët

Taksa e banesës nga muaji janar do të paguhet bashkë me faturën e ujit. Kjo taksë do të mblidhet nga ndërmarrja e Ujësjellës Kanalizimeve, që do të ketë rolin e agjentit të mbledhjes së taksës së pasurisë së paluajtshme për ndërtesat e banimit, dhe do të përfitojë një komision prej 5% mbi të ardhurat e arkëtuara nga taksa e ndërtesës. Drejtori Ekzekutiv i Shoqatës së bashkive, Agron Haxhimali sqaron për Report Tv sqaroi gjithë procedurën dhe theksoi se kjo procedurë nuk do të ndikojë në xhepat e qytetarëve.

Çdo pronë, bazuar në metodologjinë e re taksohet me 0.05% të vlerës së kësaj prone. Pra, le të marrim një rast për të qenë të qarë. Në qoftë se apartamenti i një qytetari në Tiranë kushton 100 000 euro, ky qytetar do ta paguajë taksë për këtë banesë në masën 0.05% të kësaj vlere çfarë do të thotë se do të paguajë 50 euro në vit. Ky 50 eurosh në vit është taksa që i detyrohet qytetarit të paguajë Bashkisë Tiranë apo secilës Bashki. Bashkitë bazuar në metodologji kanë të drejtën e diskrecionit, pra kanë të drejtën ta ulin këtë taksë dhe ta ngrejnë në masën +/- 30%.

Agron Haxhimali, Drejtor i Shoqatës së Bashkive
 

Drejtori i Shoqatës së bashkive tregon për Report Tv, se ka disa kategori që do të përjashtohen nga pagesa e taksës së pronës. Ndërsa për sa i përketë ndryshimit të tarifave që shkon në ngritje ose ulje me 30 % do të jetë në dorë të bashkive. 

Metodologjia e përcakton qartë se disa grupe duhen përhjashtuar nga kjo taksë. Janë kryefamiljarët e vetmuar që trajtohen me pension, përjashtohen nga kjo taksë banesat që janë të perdorura nga familjet që trajtohen me ndihmë ekonomike, janë objektet e kultit, objektet e tjera sociale dhe shtetërore. 

Agron Haxhimali, Drejtor i Shoqatës së Bashkive

Ndërkohë tarifa se sa do të paguajnë qytetarët është e përcaktuar me një vendim qeverie, e cila bazohet tek qytetet, zonat dhe vjetërsia e objekteve. Që prej kohës kur vendimi hyri në fuqi për metodologjinë e re të taksimit të pronës, bashkitë kanë nisur punën për të mbledhur taksën e ndërtesës nëpërmjet zyrave të taksave të Bashkisë për bizneset dhe familjarët, por vitin e ardhshëm kjo taksë do të shlyhet bashkë me faturën e ujit.

//Shqiptarja.com

TAG:
• Agron Haxhimali
• taksa e baneses
• shoqata e bashkive