Taksa e banesës, UKT: Nga dhjetori në faturën e ujit

TIRANË- Duke filluar nga muaji dhjetor i këtij viti, në faturën e ujit do të përfshihet edhe taksa e banesës. Ky vendim duhet të hynte në fuqi që në muajin prill por afati u shty për disa muaj me radhë për shkak të procesit të vetë-deklarimit.

Pas vendimit të Këshillit të Ministrave, qytetarëve iu la kohë për të bërë vetë-deklarimin për të dhënat e banesës së tyre, dhe për të nxjerrë më pas edhe vlerën e taksës që një qytetar duhet të paguajë.

Taksa e ndërtesës llogaritet jo thjesht në bazë të sipërfaqes si deri tani, por në bazë të vlerës së saj. "Në rast se sipërfaqja e banesës është 80 m2, dhe çmimi vlerësues është 7.000.000 lekë; atëherë kjo shifër shumëzohet me 0.05% dhe rezulton që qytetari duhet të paguajë 3.500 lekë në vit ose rreth 290 lekë në muaj".

Deri tani janë rreth 90 mijë abonentë familjarë që e kanë kryer vetë-deklarimin në pikat e UKT. Ujësjellës Kanalizime Tiranë njofton se për banesat që nuk arrihet të përcaktohet sipërfaqja, do të aplikohen vlerat referuese. Për ndërtesat e ndërtuara pas vitit 1993, do të merret një çmim I përafërt me një ndërtesë me sipërfaqe  100 metra2, ndërsa ndërtesat e ndërtuara para këtij viti do të vlerësohen me 70 metër2.

Pas disa shtyrjesh për shkak se qytetarët nuk kishin deklaruar të dhënat e banesës, UKT ka njoftuar se në faturën e muajit dhjetor që paguhet në janar 2020 do të përfshihet edhe taksa e ndërtesës.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • D.D...: 03/12/2019 21:42

    Afrofeja duhet te llogaritet per siperfaqe 300 metra katror pa dallim viti, keshtu ndergjegjesohen te gjithe dhe deklarojne brenda 24 oreve

    Përgjigju
  • A.n.: 26/11/2019 06:53

    Po ata qe kane me nga 7-10 banesa nen pronesi si do e paguajne?

    Përgjigju
  • Sondazhi i ditës:

    Hapësirat publike në plazhe, sipas jush janë:



×

Lajmi i fundit

Spahiu: Rama pazar me Greqinë, që lejoi Belerin nga burgu të udhëtoj jashtë

Spahiu: Rama pazar me Greqinë, që lejoi Belerin nga burgu të udhëtoj jashtë