Taksa e fjetjes në hotel, këshilltarët e opozitës bllokojnë miratimin e Paketës Fiskale në Sarandë

Këshilltarët e opozitës në Këshillin Bashkiak të Sarandës kanë bllokuar miratimin e Paketës Fiskale, pas konstatimit të një takse që, sipas tyre, është në kundërshtim me ligjin. Konkretisht, bëhet fjalë për taksën e fjetjes në hotele, e cila, edhe vitin e kaluar, ka qenë më e lartë nga sa parashikohet në ligj.

Opozita ka kërkuar që kjo taksë të rishikohet dhe të përshtatet me kuadrin ligjor. Përfaqësuesit e drejtorisë juridike në bashki kanë shpjeguar se Paketa Fiskale nuk ka pësuar ndryshime krahasuar me një vit më parë dhe se miratimi i saj vitin e kaluar ka qenë në përputhje me ligjin.

Megjithatë, këshilltarët e opozitës insistuan për një pushim të mbledhjes, në mënyrë që taksa të ndryshohej dhe të përputhej me normat ligjore. Refuzimi i kësaj kërkese nga ana e bashkisë dhe këshilltarëve të mazhorancës solli një reagim të ashpër nga opozita, e cila braktisi mbledhjen. Si rezultat, për shkak të mungesës së kuorumit, mbledhja u ndërpre.

LEXO EDHE:
Festat e fundvitit, turistët e huaj zgjedhin Vlorën për të kaluar pushimet: Është një vend i bukur

Në bazë të Vendimit të Këshillit të Ministrave, baza e tatueshme për fjetje në hotel është çmimi që paguhet për fjetje, i cili mund të shprehet si çmimi për dhomë ose çmim për person/natë. Niveli i taksës është deri në 5% të pagesës për fjetje. Ky detyrim tatimor llogaritet duke shumëzuar nivelin e taksave të miratuar nga bashkia ose komuna, me tarifën e fjetjes për një natë. Fatura e lëshuar nga hoteli përfshin tarifën e fjetjes dhe vlerën e taksës.

Taksa e fjetjes ne hotel

TAG:
• Vlore
• opozita
• Bashkia Sarande
• keshilli bashkiak i himares
• taksa e fjetjes ne hotel
• sarande

Sondazhi i ditës:

Si ka qene per ju viti 2024?

• I mire

  43.6%

• I keq

  22.5%

• As i mire as i keq

  33.8%

Vota total: 1566

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq