Taksa mbi profesionet e lira/ Xhixho: Afro 4 mijë biznese kanë paraqitur kërkesën për mbyllje që prej vendosjes së taksës

Taksa mbi profesionet e lira/ Xhixho: Afro 4 mijë biznese kanë paraqitur kërkesën për mbyllje që prej vendosjes së taksës


Zëvendëspresidentja e Partisë së Lirisë, Erisa Xhixho ka deklaruar se taksa e profesioneve të lira rëndon shtresën e mesme e sidomos qytetarët e dëmtuar nga kriza e çmimeve.

Përmes një postimi në rrjetin social “Facebook”, Xhixho shprehet se rreth 30 mijë biznese në të gjithë vendin preken nga taksa dhe se 3 620 prej tyre kanë paraqitur kërkesën për mbyllje që prej vendosjes së taksës.

“Në mbështetje të profesionistëve të lirë dhe protestës së tyre kundër taksës antikushtetuese, në fuqi prej 1 janarit.   

Kjo taksë është taksë mbi dijen dhe do të rëndojë direkt mbi shtresën e mesme dhe qytetarët e dëmtuar nga kriza e çmimeve. 

Rreth 30 mijë biznese në të gjithë vendin preken nga taksa 

Të paktën 3 620 prej tyre kanë paraqitur kërkesën për mbyllje që prej vendosjes së taksës

Taksimi 15-23% do të çojë në arkën e qeverisë rreth 0.2% e PPB, e papërfillshme në krahasim me efektet negative te individë, që kanë investuar një jetë në formimin profesional 

Kjo taksë shkel sigurinë juridike diskriminon bizneset e shërbimeve profesionale në raport me bizneset e tjera. 

Kjo taksë godet shtresën e mesme, intelektualët dhe të rinjtë që duan t’i investojnë në Shqipëri dijet e tyre. Ajo është mekanizmi i radhës me të cilin kjo qeveri po nxit shpopullimin masiv të vendit. 

Ky sistem i padrejtë, i pandershëm dhe abuziv duhet të marrë përgjigjen e duhur në seancën e 18 qershorit!

Bashkë me profesionistët e lirë, i bëj thirrje Gjykatës Kushtetuese që në gjykimin e kësaj çështjeje të jetë profesionale dhe larg çdo presioni politik, për të vënë në vend të drejtën dhe për të mbrojtur interesin publik”,-shprehet Xhixho. 

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Eriza: 14/06/2024 16:50

    Po gjithe bota moj e profesionisteve, te lire e te palire, paguajne taksa, e cfare taksash. Mjaft me noteret, doktoret, juristet, dentistet, etj. etj. qe te kepusin koken e fusin qindra mijra euro ne xhep e s'te japin nje kupon.

    Përgjigju
  • Sondazhi i ditës:

    Hapësirat publike në plazhe, sipas jush janë:



×

Lajmi i fundit

Spahiu: Rama pazar me Greqinë, që lejoi Belerin nga burgu të udhëtoj jashtë

Spahiu: Rama pazar me Greqinë, që lejoi Belerin nga burgu të udhëtoj jashtë