POP 5

Lajmet më të lexuara të 5 minutave të fundit

Politikë

Taksat, sherr pozitë-opozitë
në komisionin e Ekonomisë

Debatet në Kuvend gjatë Komisionit të Ekonomisë dhe Financave që është zhvilluar dje kanë qenë të ashpra, për sa i projekt-ligjit për tatimin mbi të ardhurat, i cili parashikon një taksim progresiv, pjesë e paketës fiskale për vitin 2014.
TIRANE- Debatet në Kuvend gjatë Komisionit të Ekonomisë dhe Financave që është zhvilluar dje kanë qenë të ashpra, për sa i projekt-ligjit për tatimin mbi të ardhurat, i cili parashikon një taksim progresiv, pjesë e paketës fiskale për vitin 2014. Ministri i Financave, Shkëlqim Cani, deklaroi se me taksën progresive kush merr pagë më të madhe do taksohet më shumë, kush merr pagë më të vogël do taksohet më pak. Ka pasur debate mes kryetarit të komisionit Erion Braçe dhe deputetit të PD-së, Ridvan Bode. Ish-ministri i Financave akuzoi deputetin Braçe se i kishte hequr të drejtën këtij komisioni të diskutojë për projekt-buxhetin ndërsa shtoi se paketa fiskale rrit taksat, godet ekonominë e vendit.

Në replikë, deputeti socialist, Braçe, tha se komisioni nuk ka bërë asgjë që bie ndesh me rregulloren dhe se taksa progresive është një premtim që u është dhënë qytetarëve dhe që po mbahet. Deputeti demokrat Ridvan Bode deklaroi se paketa fiskale meriton vëmendje më të madhe dhe se kërkonte më tepër kohë, pasi pas 15 vitesh përpara opinionit publik, Kuvendit i kërkohet që të ketë një rritje thelbësore taksash, e cila prek 100% të shqiptarëve dhe që për nga thellësia dhe pasojat që ato kanë, mënyra e konceptimit të këtyre rritjeve, rëndon në mënyrë thelbësore, pikërisht shtresat më të ekspozuara, godet në mënyrë të qëllimshme pjesën menaxheriale, teknike e inxhinierike të kompanive dhe krijon premisat për një rrokullisje të shpejtë të ekonomisë së vendit.

Për sa i takon tatimit të pagave, deputeti Braçe tha se argumentet e ish-ministrit të Finacave, Bode, janë të rreme. Ekonomia e Shqipërisë, sipas deputetut Braçe, u rrokullis atë vit kur u vendos taksa e sheshtë, pikërisht nga spekullimet e këtij lloji, që i zhyti shqiptarët në ato përfitime të shpejta dhe që iu kthyen mbrapsht me një rrënim tërësor, jo vetëm të ekonomive familjare, por të ekonomisë së shqiptarëve. Deputei Braçe tha se kategoritë e infermierëve, mesuesve, zjarfikësve, ushtarakut të rolit bazë, etj, natyrisht që marrin një përfitim që shkon nga 32,402 mijë lekë deri në 34,202 lek në vit.

Ai theksoi se në këtë fashë janë 45,343 punëtorë të kësaj shtrese. Deputei socilaist tha Qeveria është munduar të ulë barrën fiskale për gjithë këto kategori, përfshirë edukatoret, infermierët, mesuesit, petagogët, për të vazhduar me mjekët ish-ushtarakët, policët, nëpunësit e mesëm dhe jo të nivelit politik të administratës, sepse ata përfshirë edhe funksionarët politik, siç jemi ne do të paguajnë më shumë. Deputeti Braçe tha se me anë të kësaj pakete vihet në lojë ajo që ka munguar e që është pikërisht konkurenca e ndershme në treg, pasi sipas tij, deri tani biznesi që po mbron opozita ka paguar më shumë si ryshfet në administratën tatimore, të cilës ish-ministri nuk i kërkonte dot as llogari.  
 
Shkrimi u publikua sot (18.12.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13