POP 5

Lajmet më të lexuara të 5 minutave të fundit

Politikë

Taksimi i profesioneve të lira, Tabaku në ‘Kushtetuese’: Mbylli bizneset! Taksa e padrejtë, politikë selektive e qeverisë

Opozita dorëzoi në Gjykatën Kushtetuese dokumente që sipas saj, vërtetojnë se taksimi i profesioneve të lira ka dëmtuar dhjetëra biznese. Tabaku, e cila ka dorëzuar padinë në emër të opozitës, tha se kjo taksë e padrejtë tregon politika selektive të qeverisë. Seanca publike për profesionet e lira, do të mbahet më 18 Qershor

Opozita dorëzoi në Gjykatën Kushtetuese, në seancën e dedikuar për paraqitjen e provave, fakte që sipas saj, provojnë se taksimi i profesioneve të lira ka mbyllur dhjetëra biznese.

Deputetja Jorida Tabaku, e cila ka dorëzuar në emër të opozitës padinë për taksimin e profesioneve të lira e quajti taksë të padrejtë që po prek një zinxhir të tërë shërbimesh.

“Sot ndodhemi në kushtet e cenimit të sigurisë juridike, sot ndodhemi në kushtet e shkeljes së Kushtetutës dhe sot ndodhemi në kushtet e një tatimi që shkon 30-40% për profesionet e lira, tatimi më i lartë në Republikën e Shqipërisë. Ne kemi folur shumë herë për sistemin e padrejtë që është ngritur po kësaj radhe kjo taksë e padrejtë është duke prekur jo vetëm profesionistët e lirë por një zinxhir shërbimesh sepse ndërkohë që flasim të gjithë shërbimet, duke nisur nga shërbimet për ekonominë, nga kontabilistë, noterë, farmacistë,shërbime shëndetsore kanë një rritje zinxhir cmimesh që ndikon drejtpërdrejtë mbi konsumatorin. Nga prilli i kaluar deri në prill të këtij viti, janë thuajse 11 mijë biznese që janë pezulluar. Në tre muajt e parë të këtij viti, janë thuajse 3000 biznese që janë pezulluar.”- tha Tabaku.

Duke komentuar qëndrimin pro të FMN-së, Tabaku tha se taksimi i profesioneve të lira tregon politikë selektive të qeverisë.

“Unë përgjithësisht nuk kam dëshirë ti komentoj deklaratat e ndërkombëtarëve por besoj që FMN e ka pasur për faktin që sot ka shumë përjashtime nga sistemi, sot kemi hotelet me 5 yje që janë të përjashtuar . heqja e përjashtimeve duhet të nisë nga ata që rëndojnë ,ë shumë buxhetin e shtetit. Në këtë rast ne nuk po kërkojmë asnjë politikë selektive , ne po kërkojmë që profesionet e lira të trajtohen si gjithë bizneset e tjera, sipas xhiros dhe unë besoj që për këtë FMN nuk ka asnjë objeksion. Në këtë rast, Qeveria shqiptare duhet të korrigjojë përjashtimet nga taksa për akiczën e naftës, nga favorizimet në fushën e turizmit, për taksën e insfrastrukturës për biznesin e madh . Këto janë përjashtime që e dëmtojnë buxhetin e shtetit, jo profesionet e lira”- u shpreh Tabaku.

Gjykata Kushtetuese do të shqyrtojë më 18 qershor në një seancë të hapur paditë për taksimin e profesioneve të lira, taksim që nisi më 1 janar dhe që parashikon taksim me 15% për profesionistët me të ardhura deri në 14 milionë lekë dhe 23% mbi 14 milionë lekë.

Padia e parë në Kushtetuese u depozitua në shkurt nga 37 deputetë të grupit parlamentar të PD-së, një tjetër nga Instituti i Kontabilistëve të Miratuar dhe Instituti i Ekspertëve Kontabël të Miratuar, ndërsa padia e tretë në gjykatën Kushtetuese u bë nga rreth 400 400 profesionistë si: avokat, përkthyes, financiarë, agjentë të shitjeve të pronave dhe shoqata biznesi.

M.Q./S.Ç/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Trump nominon gjeneralin e pensionuar Kellogg si të dërguar për Ukrainën dhe Rusinë

Trump nominon gjeneralin e pensionuar Kellogg si të dërguar për Ukrainën dhe Rusinë

27 Nëntor, 20:11